२१ के मॅरेथॉनसाठी धावले १० हजार नाशिककर
म. टा. प्रतिनिधी, नाशिक
नाशिक शहर पोलिसांसाठी महत्त्वाकांक्षी ठरलेल्या २१ के मॅरेथॉन स्पर्धेमध्ये १० हजारांपेक्षा अधिक नाशिककरांनी सहभाग नोंदवला. आर्टीलरी सेंटरमधील शंकरलाल स्वामी यांनी २१ किलोमीटरच्या अर्ध मॅरेथॉनचा किताब पटकवला. मॅरेथॉन स्पर्धेमुळे पोलिस आणि नागरिकांचा संवादाचा पुल आणखी मजबूत झाल्याची प्रतिक्रिया पोलिस आयुक्त एस. जगन्नाथन यांनी यावेळी व्यक्त केली.
शहर पोलिसांनी नाशिक-२१ के या हाफ मॅरेथॉन स्पर्धेत १२ हजारांपेक्षा जास्त स्पर्धकांनी नोंदणी केली. रविवारी सकाळी गोल्फ क्लब येथून स्पर्धेला सुरुवात झाली. स्पर्धा ४ गटांत पार पडली. शंकरलाल स्वामीने १ तास ९ मिनिटे आणि ५८ सेकांदात २१ किलोमीटर अंतर कापत अर्ध मॅरेथॉन स्पर्धेचे जेतेपद पटकावले. २१ किलोमीटरच्या ४० वर्षापुढील गटात वसंत आहिरे यांनी १ तास ३१ मिनिटे आठ सेंकदाचा कालावधी घेत पहिला क्रमांक पटकावला. शहर पोलिसांचे आंतरराष्ट्रीय धावपट्टू नंदू उगले यांना १ तास ३३ मिनिटे आणि ५२ सेकांदाचा वेळ लागला. तृतीय क्रमांकावर माणिक निकम राहिले. याच अंतरासाठी १८ ते ४० वयोगटातील महिलांमध्ये पोलिस दलातील मंजू सहाणी, योगिता वाघ आणि अंजली सहाणी यांनी बाजी मारली. मंजू यांनी १ तास ३६ मिनिटे आणि ५७ सेकांदात अंतर कापले. स्पर्धेला महापौर अशोक मुर्तडक, उपमहापौर गुरमीत बग्गा, आमदार देवयानी फरांदे, अपूर्व हिरे, जिल्हाधिकारी दीपेंद्रसिंह कुशवाह, महापालिका आयुक्त डॉ. प्रवीण गेडाम, सभागृह नेते सलीम शेख, नगरसेवक तानाजी जायभावे, गुलझार कोकणी, दामोदर मानकर आदी मान्यवरांनी सहभाग नोंदवला. स्पर्धकांना पोलिस स्टेशन पातळीवर प्रमाणपत्र दिली जाणार आहेत.
संवाद अधिक मजबूत व्हावा
शहर पोलिसांनी झालेल्या मॅरेथॉन स्पर्धेला चांगला प्रतिसाद लाभला. याबाबत बोलताना पोलिस आयुक्त जगन्नाथन यांनी सांगितले, की सर्वसामान्य नागरिक आणि पोलिसांमध्ये वेगवेगळ्या कारणांमुळे दरी निर्माण झालेली असते. मॅरेथॉनच्या आयोजनातून ती दूर करण्याची संधी मिळाली. नाशिककरांनी मोठ्या संख्येने हजेरी लावली. लहान मुले, महिला, वृध्द, तरुण सर्वांनीच हिररीने सहभाग नोंदवल्याने पोलिसांचा उत्साह वाढला आहे. मॅरेथॉनच्या निमित्ताने सुरू झालेला संवाद आणखी मजबूत होईल, अशी अपेक्षा त्यांनी व्यक्त केली.
स्पर्धेतील विजेते
तीन किलोमीटर : १८ ते ४० वयोगट (पुरूष)
१) व्ही. संजय संधू, २) गणेश पवार, ३) वरुण चौधरी
तीन किलोमीटर : ४० व त्यापुढील वयोगट (पुरूष)
१) पुंडलिक महाले, २) सुभेदार राणा, ३) मोतीराम धोत्रे
तीन किलोमीटर : १८ ते ४० वयोगट (महिला)
१) वर्षा चौधरी, २) प्रगती मुळाणे, ३) विनिता भोबे
तीन किलोमीटर : ४० व त्यापुढील वयोगट (महिला)
१) शिल्पा जैन, २) विद्या भाबड, ३) हिरा रामेश्वर राजू
पाच किलोमीटर : १८ ते ४० वयोगट (पुरूष)
१) नितीन गावित, २) भागिरथ गायकवाड, ३) धर्मेद्र यादव
पाच किलोमीटर : ४० व त्यापुढील वयोगट (पुरूष)
१) पांडुरंग ताजनपुरे, २) राजेंद्र कुलकर्णी, ३) बाळासाहेब पवार
पाच किलोमीटर : १८ ते ४० वयोगट (महिला)
१) शीतल भगत, २) कोजागिरी बच्छाव, ३) रिषू सिंग
पाच किलोमीटर : ४० व त्यापुढील वयोगट (महिला)
१) कल्पना शिंदे, २) राधिका बारगळ, ३) सरिता जाधव
१० किलोमीटर : १८ ते ४० वयोगट (पुरूष)
१) रॉबीन सिंग, २) टिंकू यादव, ३) हरि सिंग
१० किलोमीटर : १८ ते ४० वयोगट (महिला)
१) योगिता गवळी, २) निर्माला चौधरी, ३) ललिता कांबळे
२१ किलोमीटर : १८ ते ४० वयोगट (पुरूष)
१) शंकरलाल स्वामी, २) दत्ता बारसे, २) निरज कुमार
२१ किलोमीटर : ४० व त्यापुढील वयोगट (पुरूष)
१) वसंत अहिरे, २) नंदू उगले, ३) माणिक निकम
२१ किलोमीटर : १८ ते ४० वयोगट (महिला)
१) मंजू सहाणी, २) योगिता वाघ, ३) अंजली सहाणी
मोबाइल अॅप डाउनलोड करा आणि राहा अपडेट
