नाशिकच्या सांस्कृतिक क्षेत्राचा मानबिंदू ठरलेल्या वसंत व्याख्यानमाला संस्थेच्या ९५ व्या वर्षातील ज्ञानसत्राचा प्रारंभ रविवार, १ मे रोजी सायंकाळी ७ वाजता, यशवंतराव देवमामलेदार पटांगण, गोदाघाट येथे होणार आहे. नवी दिल्लीतील ज्येष्ठ माध्यम पत्रकार विनोद दुआ यांचे 'भारतीय होने का मतलब' या विषयावरील व्याख्यानाने या ज्ञानयज्ञास प्रारंभ होणार आहे.
व्याख्यानमालेचे उदघाटन महापौर अशोक मुर्तडक व महापालिका आयुक्त डॉ. प्रवीण गेडाम यांच्या हस्ते करण्यात येणार आहे. यावेळी उपमहापौर गुरूमित बग्गा, सलिम शेख, सुरेखा भोसले, कविता कर्डक, पोलिस आयुक्त एस. जगन्नाथन, मिलिंद शंभरकर, डी. एस. पवार, प्रताप मोहंती, माधवराव पाटील यांची प्रमुख उपस्थिती राहणार आहे.
सोमवार, २ मे रोजी जतीन देसाई, ज्येष्ठ पत्रकार, समिक्षक यांचे मुंबई, 'भारत पाकिस्तान मैत्री किती खोटी? किती खरी?' या विषयावर व्याख्यान, मंगळवार ३ मे रोजी डी. बी. शेकटकर, लेफ्टनंट जनरल (नि), पुणे, यांचे '२१ व्या शतकाचा आतंकवाद आणि समाजाची भूमिका', बुधवार ४ मे रोजी नितीन भोसले यांचे 'महाराष्ट्राचा पाणीप्रश्न' या विषयावर व्याख्यान होईल. गुरूवार ५ मे रोजी डॉ. यशपाल गोगटे, नाशिक यांचे 'वजन कमी करण्याची गुरूकिल्ली', शुक्रवार ६ मे रोजी प्रा. अशोक गोडघाटे, नागपूर यांचे 'डॉ. बाबासाहेब आंबेडकर यांचे राष्ट्रीय योगदान', शनिवार ७ मे रोजी आमदार बच्चू कडू, अचलपूर यांचे 'व्यवस्था आणि आपण', रविवार ८ मे रोजी स्वामी अध्यात्मानंद, अहमदाबाद यांचे 'हमारे प्राचीन शास्त्र : दैनिक जीवन में विनिमय', सोमवार ९ मे रोजी किरण चव्हाण यांचे 'सायकल चळवळ- काल, आज आणि उद्या', मंगळवार १० मे रोजी कवी संमेलन : सूत्रसंचलन - प्रा.शंकर बोऱ्हाडे, सुभाष सबनीस, बुधवार ११ मे रोजी सदाभाऊ खोत, प्रदेशाध्यक्ष, स्वाभिमानी शेतकरी संघटना यांचे 'राज्य सरकारचं धोरण आणि शेतकऱ्यांचं मरण', गुरूवार १२ मे रोजी रुबिना पटेल, नागपूर यांचे 'मुस्लिम महिलांच्या प्रश्नांवर कार्यकर्त्यांची भूमिका', शुक्रवार १३ मे रोजी अनंत कळसे, प्रधान सचिव, विधी मंडळ यांचे 'महाराष्ट्राच्या प्रगतीशील वाटचालीत विधीमंडळाचे योगदान', शनिवार १४ मे रोजी प्रशांत देशमुख, रायगड यांचे 'छत्रपती संभाजी महाराज', रविवार १५ मे रोजी न्या. अंबादास जोशी, मुंबई यांचे 'न्यायाची संकल्पना व न्याय प्रक्रियेतील समाजाचा सहभाग' या विषयावर व्याख्यान होईल.
सोमवार १६ मे रोजी नवाकाळ वृत्तपत्राच्या संपादक जयश्री खाडिलकर-पांडे यांचे 'कामगार आणि शेतकरी', मंगळवार १७ मे रोजी प्रा. डॉ. दिनेश शिरूडे, नामपूर यांचे 'चैतन्याचा अखंड झरा : स्वामी विवेकानंद', बुधवार १८ मे रोजी मकरंद जाधव आर्ट ऑफ लिव्हिंग, लातूर यांचे 'जलजागृती - काळाची गरज', गुरूवार १९ मे रोजी मुक्ता दाभोळकर अंधश्रध्दा निर्मूलन समिती, दापोली यांचे 'विवेकवादी चळवळीची वाटचाल', शुक्रवार २० मे रोजी डॉ. भाऊसाहेब मोरे, नाशिक यांचे 'अवयव दान - सर्वश्रेष्ठ दान', शनिवार २१ मे रोजी राजयोगिनी ब्रह्माकुमारी शिलुदिदी, राजयोगि शिक्षिका, माऊंटआबू यांचे 'कर्मों की खेती', रविवार २२ मे रोजी खासदार विजय दर्डा, नागपूर यांचे 'मै कौन हूँ? और क्या हूँ?', सोमवार २३ मे रोजी निहिरा निसर्ग, निसर्ग देहूकर, यांचा अद्वैत धून (शास्त्रीय-उपशास्त्रीय संगीताचा बहारदार कार्यक्रम), मंगळवार २४ मे रोजी ज्येष्ठ पत्रकार महेश म्हात्रे, पश्चिम बंगाल, यांचे 'आसाम, केरळ, पाँडेचरी निवडणूक निकालाचा अन्वयार्थ' या विषयावर तर बुधवार २५ मे रोजी खासदार किरीट सोमय्या यांचे 'गुंतवणूकदारांचे प्रश्न' या विषयावर व्याख्यान होईल. गुरूवार २६ मे रोजी जयंत दिवेकर ब्रह्मविद्या साधक, ठाणे यांचे 'गुरूकिल्ली तुमच्या आरोग्याची आणि यशाची', शुक्रवार २७ मे रोजी यू. के. शर्मा चेअरमन, मंत्राज् ग्रीन रिसोर्सेस, नाशिक यांचे 'गोदावरी नदीचं प्रदूषण आणि उपाय', शनिवार २८ मे रोजी रणजित सावरकर, मुंबई यांचा 'धर्मनिरपेक्षता आणि स्वा. सावरकर' हा देशभक्तीपर गीतांचा कार्यक्रम होणार आहे. रविवार २९ मे रोजी चित्रकार अतुल भालेराव आणि निलेश भारती, नाशिक यांचे 'अंतरात्म्याचा संवाद अर्थात निसर्ग चित्रण', सोमवार ३० मे रोजी ज्येष्ठ अर्थतज्ज्ञ डॉ. विनायक गोविलकर यांचे 'पैशाचा प्रवास' तर मंगळवार ३१ मे रोजी भारूडरत्न निरंजन भाकरे आणि सहकारी, औरंगाबाद यांचा महाराष्ट्राची लोकपरंपरा कार्यक्रम होणार आहे.
३१ मे रोजी समारोप व्याख्यानमालेच्या समारोपप्रसंगी ३१ मे रोजी विविध व्यक्ती व संस्थांचा सत्कार करण्यात येणार आहे. यावेळी प्रमुख पाहुणे म्हणून जलसंपदामंत्री गिरीश महाजन, खासदार हेमंत गोडसे, खासदार हरिश्चंद्र चव्हाण, आमदार बाळासाहेब सानप, आमदार देवयानी फरांदे, आमदार सीमा हिरे आदी उपस्थित राहणार आहेत. व्याख्यानमालेचा नागरिकांनी लाभ घ्यावा, असे आवाहन व्याख्यानमालेचे अध्यक्ष श्रीकांत बेणी यांनी केले आहे.
मोबाइल अॅप डाउनलोड करा आणि राहा अपडेट
