लवकर प्रगतीसाठी आणि अनेक प्रकारचे पर्याय असणारे हॉटेल मॅनेजमेंट असे करिअर आहे तसेच प्रशिक्षित लोकांची या क्षेत्रात उणीव भासत असल्याने अधिकाधिक विद्यार्थ्यांनी हॉटेल मॅनेजमेंटकडे करिअर म्हणून बघितले पाहिजे, असे प्रतिपादन पंचवटी हॉटेल मॅनेजमेंट कॉलेजचे प्राचार्य एन. आर. जाधव यांनी केले.
मटा प्लॅनेट कॅम्पस आणि महात्मा गांधी विद्यामंदिर यांच्यातर्फे आयोजित चर्चासत्राप्रसंगी ‘हॉटेल मॅनेजमेंट क्षेत्रातील करियर संधी’ या विषयावर ते बोलत होते. हॉटेल मॅनेजमेंटमध्ये प्रवेश करण्यासाठी बारावीनंतर तनी वर्षांची डिग्री करावी लागते. दहावीनंतरही आपण या क्षेत्रात डिप्लोमा करू शकतो, यात पुढे एमबीए करणाऱ्यांसाठी खूप वाव आहे. कुकरी व बेकरी हे नवीन शॉर्ट कोर्सेस आता उपलब्ध झाल्याने तरुणांना या क्षेत्रात व्यवसायिक संधीसुद्धा उपलब्ध झाल्या आहेत, असेही प्रा. जाधव यांनी सांगितले. हॉटेलिंग क्षेत्रात मुलींसाठी हाऊसकिपिंग हा उत्तम पर्याय आहे. मोठ्या हॉटेल्सकडून सुरक्षेच्या दृष्टीने मुलींसाठी कामाची वेळ ७-८ तास इतकीच असते. घरापर्यत पिकअप आणि डॉप सुविधादेखील पुरविली जाते. ‘डिप्लोमा इन ऑपरेशन्स’ हा दोन वर्षांचा हॉटेल मॅनेजमेंटमध्ये डिप्लोमा केल्यानंतर लगेच नोकरीच्या अनेक संधी उपलब्ध आहेत. परदेशी क्रुझ लायनर्सवरसुद्धा अनेक संधी असल्याचे त्यांनी सांगितले.
हॉटेल मॅनेजमेंटमधील नवनवीन संधींची माहिती करिअर सेमिनारमधून मिळाली. दहावीनंतर मॅनेजमेंट हा उत्तम पर्याय ‘मटा’मुळेच समजला.
- संगीता पाटील, पालक
करिअर निवडतांना घ्यायची काळजी आणि पालकांनी करावयाची तयारी याची माहिती मिळाली. उपक्रम प्रेरणादायी ठरला.
- धर्मेश गाडेकर, पालक
मोबाइल अॅप डाउनलोड करा आणि राहा अपडेट