द्वारका परिसरात होणारी वाहतूक कोंडी टाळण्यासाठी पोलिसांनी पुन्हा एकदा पर्यायांची चाचपणी सुरू केली आहे. पोलिस आयुक्त डॉ. रवींद्र सिंगल यांनी शनिवारी सदर ठिकाणी पाहणी केली. लवकरच नॅशनल हायवे अॅथोरिटी ऑफ इंडियाचे (न्हाई) अधिकाऱ्यांसमवेत वाहतूक पोलिस या संबंधी चर्चा करणार असून, आठ ते दहा दिवसांत नवीन पद्धतीने वाहतूक सुरू करण्यात येणार आहे.
द्वारका येथील सबवेचा वापर होत नाही. त्यामुळे पुढील अनिश्चित काळापर्यंत द्वारका सबवेला पोलिसांनी काही दिवसांपूर्वी टाळे ठोकले. तत्पूर्वी येथील व्यावसायिकांना रस्त्यावर पार्क होणाऱ्या वाहनांबाबत नोटिसादेखील बजावण्यात आल्या होत्या. सर्व्हिस रोडचा वापर करीत द्वारका सर्कलचा प्रश्न निकाली काढण्याचा प्रयत्न पोलिसांनी करून पाहिला. मात्र, त्यालाही यश मिळाले नाही. उड्डाणपुलाच्या निर्मितीनंतर द्वारका सर्कल येथील वाहतुकीचा प्रश्न नेहमीच चर्चेत राहिला. मात्र, त्यावर ठोस उपाययोजना राबवण्यात प्रशासनाला अद्याप यश मिळालेले नाही. हायवे सर्व्हिसरोडसह छोटे मोठे मिळून १२ ते १२ रस्ते द्वारका सर्कल येथे मिळतात. वाहनांना फिरण्यासाठी पुरेसे ‘टर्निंग रेड‌यिस’ उपलब्ध होत नाही. त्यामुळे शेकडो कोटी रुपये खर्च होऊनही शहराच्या मध्यवर्ती भागात वाहतूक प्रश्न बिकट बनतो. याबाबत बोलताना पोलिस आयुक्त डॉ. रवींद्र सिंगल यांनी सांगितले की, द्वारका सर्कल येथील वाहतूक कोंडीचा प्रश्न निकाली काढण्यासाठी ठोस उपायांची गरज आहे. मात्र, तेथे काही तांत्रिक अडचणी आहेत. या अडचणी दूर होणे अशक्य असल्याने उपलब्ध पर्यांयांची सातत्याने चाचपणी केली जाते. सध्या, आम्ही या ठिकाणी पाहणी करून द्वारका सर्कलचा वापर बंद करण्याचे नियोजन असल्याचे सिंगल म्हणाले.
असा आहे पर्याय
नाशिककडून नाशिकरोडकडे जाणारी वाहने हायवेने थेट औरंगाबादरोडच्या दिशेने पुढे न्यायची. तसेच जिथे टर्निंग रेड‌यिस मिळेल तेथून ती पुन्हा वळवायची. यामुळे द्वारका सर्कलवरील वाहने एकमेकांना क्रॉस होणार नाही. नाशिकरोडकडून येणारी वाहने आणि हायवेवरून शहराकडे येणाऱ्या वाहनांचा देखील विचार करण्यात येतो आहे. ‘न्हाई’च्या अधिकाऱ्यांसमवेत चर्चा सुरू असून, सात ते आठ दिवसांत काही ठिकाणी किरकोळ बदल केले जातील.
प्रायोग‌कि तत्त्वावर हा बदल आहे. यासंबंधी काही बैठका झाल्या असून, शनिवारी सर्व अधिकाऱ्यांनी प्रत्यक्ष भेट देऊन पाहणी केली. दपर्यायी रस्त्यांचा वापर योग्य झाल्यास भविष्यात याच पध्दतीने वाहतूक नियंत्र‌ति केली जाईल.- डॉ. रवींद्र सिंगल, पोलिस आयुक्त
मोबाइल अॅप डाउनलोड करा आणि राहा अपडेट
