येथील महापालिकेची विशेष अंदाजपत्रकीय महासभा सोमवारी महापालिका सभागृहात पार पडली. अवघ्या अर्धा तासात कुठल्याही चर्चेविना महासभेत सन २०१७-१८च्या ३७८.९९ कोटीच्या अंदाजपत्रकात महापौरांना अंदाजपत्रकातील वाढ व घट करण्याचे अधिकार देण्याचा ठराव एकमताने मंजूर करण्यात आला. तसेच स्थायी समिती व महिला बालकल्याण समिती सदस्यांचीदेखील विशेष महासभेत निवड करण्यात आली.
महापौर रशीद शेख, उपमहापौर सखाराम घोडके, आयुक्त संगीता धायगुडे, नगरसचिव राजेश धसे यांच्या उपस्थितीत ही अंदाजपत्रकीय महासभा पार पडली. महापालिकेचे सन २०१७-१८ वर्षासाठीची अंदाजपत्रकी महासभा पालिकेच्या सार्वत्रिक निवडणुकीमुळे आचारसंहिता लागल्याने लांबले होते. दरम्यान मागील स्थायी समितीने अंदाजपत्रकीय बैठकीत मंजुरी देण्यात आली होती. सोमवारी हे ३७८.९९ कोटीचे अंदाजपत्रक नवनिर्वाचित महासभेपुढे ठेवण्यात आले. प्रारंभी उपायुक्त (कर) कमरुद्दीन शेख यांनी याबाबत सभागृहापुढे निवेदन केले. तसेच उपमहापौर सखाराम घोडके यांनी पालिकेचे निव्वळ महसुली उत्पन्न किती व शासनानाची विविध योजनांची अनुदाने किती याबाबत विचारणा केली. यावर शेख यांनी पालिकेचे निव्वळ महसुली उत्पन्न १६४.६६ कोटी इतके असल्याचे सांगितले. तसेच एप्रिल महिन्यापासून वर्क ऑर्डर निघालेल्या कामांबाबत गटनेते डॉ. खालिद परवेज यांनी प्रश्न उपस्थित केला.
दरम्यान काँग्रेस नगरसेवक अस्लम असारी यांनी चर्चेदरम्यान अंदाजपत्रकात वाढ किंवा घट करण्याचे अधिकार महापौरांना देण्यात यावे, अशी सूचना मांडली. त्याला शेख युनुस इसा यांनी अनुमोदन दिले. सभागृहात हा ठराव बहुमताने मंजूर करण्यात आला.
हरकतींवर चर्चा नाहीच
सभा संपल्याचे सांगताच महागठबंधन आघाडीचे घटनेते बुलंद एकबाल यांनी हरकतीचे मुद्दे उपस्थित केले. मात्र महापौर रशीद शेख यांनी लगेचच राष्ट्रगीताची घोषणा केल्याने अंदाजपत्रक मंजूर करण्यात आले.
स्थायी सदस्यांची निवड
सोमवारी अंदाजपत्रकीय महासभेच्या आधी स्थायी व महिला बालकल्याण समिती सदस्यांची निवड करण्यासाठी विशेष महासभा बोलावण्यात आली होती. यावेळी सभागृहातील पक्षाच्या गटनेत्यांनी आपल्या संख्याबळानुसार आपापल्या सदस्यांची नावे बंद पाकिटात महापौरांकडे दिली. १६ सदस्यीय स्थायी समितीत काँग्रेस व महागंठबंधन यांना समसमान ५ सदस्य तर सेना ३, भाजप २ व एमआयएमच्या एका सदस्याची निवड करण्यात आली आहे .तसेच महिला बालकल्याण समितीच्या ९ सदस्यांत काँग्रेस व महागठबंधन आघाडीला समसमान ३, सेना, भाजप, एमआयएमला अनुक्रमे एक सदस्यपद मिळाले आहे.
स्थायी समिती सदस्य
काँग्रेस
सलीम अनवर
फारुख खान फैजुल्ला खान
मंगलाबाई धर्मा भामरे
हमीदा बी साहेबा अली
कमरुंनिसा मोह. रिजवान
भाजप
काळे संजय रमण
शेलार सुवर्णा राजेंद्र
महा गठबंधन आघाडी
अन्सारी मन्सूर अह. शब्बीर अहमद
अन्सारी असफा मोह. राशीद
अन्सारी तन्वीर मोह. झुल्फेकार
नाबी अहमद अहमदुल्ला
शाने ए हिंद निहाल अहमद
शिवसेना
राजाराम बाबुराव जाधव
पुष्पा राजेश गंगावणे
प्रतिभा सचिव पवार
मोबाइल अॅप डाउनलोड करा आणि राहा अपडेट
