श्रावणाची मजा लुटायची असेल तर घराबाहेर पडायला हवे. पिकनिकला जायला हवे, पण पिकनिकला जायचे म्हणजे ग्रुप हवा. त्यात भंडारदरा व त्यासारखी आजूबाजूची काही ठिकाणे असतील तर ग्रुपशिवाय पर्याय नाही. हाच विचार करून ‘मटा कल्चर क्लब’तर्फे खास तुमच्यासाठी ३० जुलै रोजी एकदिवसीय पिकनिकचे आयोजन करण्यात आले आहे. यात सहभागी होणाऱ्यांसाठी विशेष सवलतीही देण्यात येणार आहे. वय वर्षे ५० पेक्षा कमी असलेल्यांना या पिकनिकसाठी नोंदणी करता येईल.
पावसाळ्यातील निसर्गसौंदर्य अनुभवायचे असेल तर भटकंतीशिवाय पर्याय नाही. अशा पिकनिक्सच्या आयोजनाचीही अनेकजण वाट बघत असतात. सध्या पावसामुळे निसर्गाने हिरवी शाल पांघरली असून त्याचा अनुभव या एकदिवसीय पिकनिकमधून घेता येणार आहे. या सहलीत चहा, नाश्ता आणि दुपारचे जेवण कल्चर क्लबकडून असणार आहे. या पिकनिकसाठी लिमिटेड सिट्स असल्याने नोंदणी करणे गरजेचे आहे. ‘मटा कल्चर क्लब मेंबर’साठी ८५० तर इतरांसाठी ९५० रुपये नोंदणी फी आकारण्यात येणार आहे. विशेष म्हणजे चौधरी यात्रा कंपनीतर्फे देशांतर्गत यात्रेसाठी ५ टक्के डिस्काउंट जाहीर करण्यात आला आहे. तुमचा जर पाच जणांचा ग्रुप असेल आणि तुम्हाला देशांतर्गत टूर करायची असेल तर प्रत्येक सीटमागे तुम्हाला ५ टक्के (कमाल ७५० रुपये प्रतिसीट) डिस्काउंट मिळेल. तुमचा १० जणांचा ग्रुप असेल तर प्रत्येक सीट मागे ७ टक्के (कमाल १००० रुपये प्रतिसीट) डिस्काउंट मिळेल. ही ऑफर सहलीत सहभागी होणाऱ्या मटा कल्चर क्लब मेंबरसाठीच आहे. विदेश यात्रांसाठी आकर्षक सवलती चौधरी यात्रा कंपनीने दिल्या आहेत.
नोंदणीसाठी संपर्क
महाराष्ट्र टाइम्सच्या अल्फा स्क्वेअर, दुसरा मजला, डिसुजा कॉलनी, कॉलेजरोड, नाशिक - ४२२००५ या पत्त्यावर किंवा ०२५३-२६६३७९८७ , ७०४०७६२२५४ या क्रमांकावर संपर्क साधावा.
कल्चर क्लब सदस्य होण्यासाठी
फेसबुक लिंक - https://www.facebook.com/MTCultureClub
टि्वटर लिंक - https://twitter.com/MTCultureClub
मोबाइल अॅप डाउनलोड करा आणि राहा अपडेट
