मुळाबाई घाटात लुटमार करणाऱ्या चौघा जणांच्या टोळीचा स्थानिक गुन्हे गुन्हे शाखेने शोध घेत त्यापैकी दोघांना जेरबंद करण्यात आले.
गणेश राजेंद्र खैरणार (२७, रा. बैल बाजाररोड, कोपरगाव) आणि मोहन उर्फ बालाजी शंकर गुजरे (२३, रा. बोलकी, ता. कोपरगाव) अशी संशयितांची नावे आहेत. या दोघांनी सुनील उर्फ मायकल चंद्रकांत कराळे (रा. मोहिनीराजनगर, कोपरगाव) आणि राहुल रवींद्र नागरे (रा. मातुलठाण, येवला) याच्या मदतीने नांदगाव येवला रोडवरील मुळाबाई घाटात दुचाकीवर जाणाऱ्या फहिम शेख आसिफ (रा. नांदगाव) यास रस्त्यात अडवून लुटले होते. पोलिसांनी संशयितांकडून मोबाइल फोन व गुन्ह्यात वापरलेली दुचाकी जप्त केली आहे. या प्रकरणी येवला तालुका पोलिस स्टेशनमध्ये गुन्हा दाखल असून, अधिक तपास सुरू आहे. दरम्यान, संशयितांनी २०१४ मध्ये अशाच पध्दतीने लुटीचा गुन्हा केल्याची कबुली दिली आहे. घटनेचा अधिक तपास येवला पोलिस करीत आहे.
मोबाइल अॅप डाउनलोड करा आणि राहा अपडेट
