Quantcast
Channel: Maharashtra Times
Viewing all 49119 articles
Browse latest View live

कांदा अनुदानासाठी शेतकऱ्यांना आवाहन

0
0

म. टा. वृत्तसेवा, निफाड

राज्य सरकारने कांदा उत्पादकांना दिलासा देण्यासाठी जाहीर केलेले २०० रुपयांचे अनुदान मिळविण्यासाठी बाजार समित्यांकडून कांदा उत्पादक शेतकऱ्यांकडून अर्ज मागायची कार्यवाही सुरू झाली आहे.

लासलगाव कृषी उत्पन्न बाजार समितीकडून याबाबत शेतकऱ्यांना आवाहन करण्यात आले आहे. एक नोव्हेंबर ते १५ डिसेंबर २०१८ या काळात कांदा लिलावात आणलेल्या शेतकऱ्यांनी तीन जानेवारी २०१९ पर्यंत अर्ज करावे, असे या आवाहन करण्यात आले आहे. ज्या नावाने ७-१२ आहे त्याच नावाने कांदाविक्री केल्याची हिशेब पावती, ७-१२ उताऱ्यावर कांदा पीक लागवडीची नोंद, बँक पासबूक, झेरॉक्स, आधारकार्ड अशी कागदपत्रे छायांकित केलेल्या प्रति बाजार समितीकडे जमा करायच्या आहेत. यासाठी लागणारे अर्ज लासलगाव सह उपबाजार विंचूर, निफाड येथे उपलब्ध करून दिले आहे. या शिवाय http:/bit.ly/2Rh0Gng या लिंकवरून डाऊनलोड करून ते भरून ज्या बाजार समिती आवारात कांदा लिलाव केले त्याच बाजार समिती, उपबाजार येथे जमा करायचे आहेत. तीन जानेवारीनंतर आलेले अर्ज विचारात घेतले जाणार नाही, असेही स्पष्ट करण्यात आले आहे.

लाभ कसा मिळणार?

कांदा अनुदानासाठी अर्ज करायला अवघ्या आठ दिवसांची मुदत आहे. शिवाय काही उत्पादकांचा कांदा हा भाडे तत्वाने ठरविलेला ट्रॅक्टर अथवा पिकअप व्हॅन यांनी लिलाव केल्याने हिशेब पावती त्यांच्या नावावर झाली आहे. अनुदानासाठी सात बारा उतारा आणि हिशेब पावती ही एकच व्यक्तीचे नावे असेल तरच अनुदानास पात्र असणार आहे. त्यामुळे या अटीमुळे अनेकांना या अनुदानाचा लाभ मिळू शकणार नाही; शिवाय हे अनुदान फक्त उन्हाळ कांद्याला की या दरम्यान लिलाव झालेल्या लाल कांद्यालाही हादेखील संभ्रम शेतकऱ्यांमध्ये आहे.

मोबाइल अॅप डाउनलोड करा आणि राहा अपडेट


कुस्तीपटूंचा सत्कार

0
0

नाशिक : जालना येथे नुकत्याच झालेल्या महाराष्ट्र केसरी कुस्ती स्पर्धेत नाशिक ग्रामीण पोलिस दलातील पहिलवान विजय सुरुडे यांनी ७४ किलो वजनगटात, तर सागर बोराडे यांनी ६१ किलो वजनगटात कांस्यपदके पटकावून ग्रामीण पोलिस दलाची मान उंचावली. या दोघांच्या यशाबद्दल अधीक्षक संजय दराडे, अप्पर अधीक्षक नीलोत्पल, उपअधीक्षक सुरेश जाधव, राखीव निरीक्षक अशोक रत्नपारखी, उपनिरीक्षक साहेबराव जाधव, क्रीडा पोलिस प्रशिक्षक समाधान गवळी आदींनी गौरव केला.

मोबाइल अॅप डाउनलोड करा आणि राहा अपडेट

शासकीय कॉम्प्युटर टायपिंग परीक्षा ५ पासून

0
0

नाशिकमध्ये ३६ केंद्रांवर आसन व्यवस्था

\B

म. टा. प्रतिनिधी, नाशिक

\Bशासकीय कॉम्युटर टायपिंग प्रमाणपत्र परीक्षा येत्या ५ ते २३ जानेवारीदरम्यान राज्यातील विविध केंद्रांवर घेण्यात येणार आहे. महाराष्ट्र राज्य परीक्षा परिषदेतर्फे या परीक्षेचे नियोजन करण्यात येणार आहे. राज्यातील ३१२ केंद्रांवर ही परीक्षा होणार आहे. या परीक्षेच्या नियोजनासाठी यंत्रणेस परिषदेच्या वतीने सूचना देण्यात आल्या आहेत.

परीक्षा परिषदेकडून टायपिंग परीक्षा दरवर्षी घेण्यात येते. राज्यातील शासनमान्यताप्राप्त संगणक टायपिंग संस्थांमधील नियमित विद्यार्थ्यांसाठी परीक्षा घेण्याचे नियोजन करण्यात आले आहे. राज्यभरातून १ लाख ९३ हजार विद्यार्थी ही ऑनलाइन परीक्षा देणार आहेत. परीक्षेसाठी प्रत्येक जिल्ह्यात परीक्षा केंद्र उपलब्ध करून देण्यात येईल. यामध्ये नाशिक विभागात ३६ केंद्रांवर परीक्षा पार पडेल. तर पुणे विभागात ४२, मुंबई विभागात ४०, कोल्हापूरमध्ये ५४ याप्रमाणे केंद्र उपलब्ध करून देण्यात येणार आहेत. दरम्यान, ५ ते ११ जानेवारी दरम्यान इंग्रजी विषयाच्या टायपिंगसाठी ३० व ४० शब्द प्रतिमिनिटाची परीक्षा होणार आहे. तसेच १८ ते २३ जानेवारी दरम्यान मराठी व हिंदी विषयाच्या टायपिंगसाठी ३० व ४० शब्द प्रति मिनिटाची परीक्षा घेण्यात येणार आहे. प्रत्येक विषयाच्या परीक्षेसाठी दीड तासाचा कालावधी देण्यात येणार आहे. यासाठी विद्यार्थ्यांच्या बॅचनिहाय परीक्षा होणार आहेत. सकाळच्या सत्रात सकाळी ९ ते १०.३०, सकाळी ११ ते १२.३०, दुपारी १ ते २.३०, दुपारी ३ ते ४.३०, ५ ते ६.३० या वेळेत बॅचनिहाय परीक्षा पार पडणार आहे.

वेळापत्रक वेबसाइटवर

परीक्षा परिषदेच्या वेबसाइटवर वेळापत्रक प्रसिद्ध करण्यात आले आहे. परिषदेच्या वेबसाइटवर त्यांच्या लॉगिनमध्ये वेळापत्रकाचा तपशील उपलब्ध करून देण्यात येणार आहे. संस्थांनी त्यांच्या प्रिंट काढून सही व शिक्‍क्‍यांसह विद्यार्थ्यांना प्रवेशपत्र वितरित करावीत, अशा सूचना परीक्षा परिषदेकडून संस्थांना देण्यात आल्या आहेत.

लोगो : शाळा/ कॉलेज

मोबाइल अॅप डाउनलोड करा आणि राहा अपडेट

अपयश जबाबदारी सर्वांची

0
0

सर्वाधिक शेअर झालेली बातमी:

अपयशाची जबाबदारी पक्षाध्यक्षांचीच: गडकरी

'आमदार आणि खासदारांच्या सुमार कामगिरीची जबाबदारी ही पक्षाध्यक्षांचीच असते', असं म्हणत भाजपचे ज्येष्ठ नेते आणि केंद्रीय मंत्री नितीन गडकरी यांनी नवा 'बॉम्बगोळा' टाकला आहे.

मटा अॅप डाउनलोड करा app.mtmobile.in

मिस्ड् कॉल द्या 1800-103-8973

मोबाइल अॅप डाउनलोड करा आणि राहा अपडेट

मॉडेलरोड दृष्टिपथात

0
0

म. टा. प्रतिनिधी, नाशिक

त्र्यंबक रोडवरील पिनॅकल मॉलपासून स्वातंत्र्यवीर सावरकर जलतरण तलावापर्यंतचा रस्ता 'मॉडेल रोड' म्हणून विकसित करण्यात येणार आहे. सुमारे पाच कोटी रुपये खर्च असलेल्या या रस्त्यावर अडथळाविरहीत पादचारी मार्गांसह सायकल ट्रॅकचीही सुविधा असणार आहे. यासह विविध विकासकामांची निविदा प्रक्रिया महापालिका प्रशासनाने सुरू केली आहे.

महापालिकेने शहरातील काही प्रभागांमध्ये रस्त्यांसह, क्रीडांगण विकास आणि अभ्यासिकेसारखी विकासकामे मार्गी लावण्याकरीता कार्यवाही सुरू केली आहे. महापालिकेच्या सार्वजनिक बांधकाम विभागाकडून सुमारे २७ कोटी रुपयांच्या कामांसाठी निविदा प्रक्रिया राबविण्यात येत असून अनुभवी कंत्राटदारांकडून ऑनलाइन पद्धतीने निविदा मागविण्यात आल्या आहेत. आगामी वर्षात लोकसभा आणि विधानसभा निवडणुकांचा बिगूल वाजणार आहे. फेब्रुवारी-मार्चनंतर केव्हाही लोकसभा निवडणुकीचा कार्यक्रम जाहीर होण्याची शक्यता असून त्यामुळे विकासकामे आचारसंहितेच्या कचाट्यात अडकण्याची चिंता व्यक्त होऊ लागली आहे. यामुळेच विकासकामे तातडीने सुरू करून ती मार्गी लागावीत, यासाठी स्थानिक स्वराज्य संस्थांमधील लोकप्रतिनिधींचा आटापीटा सुरू आहे. महापालिकेच्या सार्वजनिक बांधकाम विभागाने अशा काही विकासकामांची निविदा प्रक्रिया राबविण्यास सुरुवात केली आहे. सातपूर विभागातील प्रभाग क्रमांक ११ मधील औद्योगिक वसाहतीच्या परिसरात सुमारे १५ कोटी २० लाख रुपयांची रस्ते अस्तरीकरणाची कामे केली जाणार आहेत. अवजड वाहतुकीमुळे दुरवस्था झालेल्या या रस्त्यांचे रुपडे पालटण्यास त्यामुळे मदत होणार आहे. त्र्यंबकनाक्यावरील पिनॅकल मॉलपासून स्वातंत्र्यवीर सावरकर जलतरण तलावापर्यंत मॉडेल रोड विकसित करण्यात येणार आहे. चार कोटी ९१ लाख ९५ हजार रुये खर्च असलेल्या या रोडवर अडथळाविरहीत पादचारी मार्ग आणि सायकल ट्रॅक हे विशेष आकर्षण ठरणार आहे. नवीन नाशिक परिसरातील प्रभाग क्र. २७ मध्ये महापालिकेच्या खुल्या जागेत फर्निचरसह अभ्यासिका बांधण्यात येणार आहे. या कामावर सुमारे ५० लाख रुपये खर्च अपेक्षित आहे. २६ कोटी ९६ लाख ७८ हजार रूपयांच्या या कामांसाठी ३१ डिसेंबर ते २३ जानेवारी २०१९ या कालावधीत निविदा मागविण्यात आल्या आहेत. २४ जानेवारीला दुपारी तीन नंतर या निविदा कार्यकारी अभियंत्यांसमोर उघडण्यात येणार आहेत.

नाशिकरोडला साडेसहा कोटींची कामे

नाशिकरोड विभागात विहीतगाव प्रभाग क्र. १२ तसेच चेहडी प्रभाग क्र. १९ मध्ये क्रीडांगण विकसित करण्यात येणार आहे. त्यासाठी अनुक्रमे तीन कोटी चार लाख रुपये व एक कोटी सात लाख रुपये खर्च अपेक्षित आहे. विभागातील विविध कच्च्या रस्त्यांच्या खडीकरणावर सुमारे सव्वा दोन कोटी रुपये खर्च करण्यात येणार आहे.

मोबाइल अॅप डाउनलोड करा आणि राहा अपडेट

गुन्हा सिद्धतेमध्ये तीन पटीने वाढ

0
0

सेशन कोर्टातील प्रमाण नऊवरून २९ टक्क्यांपर्यंत वाढले

म. टा. खास प्रतिनिधी, नाशिक

शहर पोलिस तसेच सरकारी पक्षाकडून होणाऱ्या प्रयत्नांमुळे सेशन तसेच प्रथम वर्ग न्यायदंडाधिकारी (जेएमएफसी) यांच्या कोर्टात चालणाऱ्या खटल्यांमध्ये गुन्हे सिद्ध होण्याचे प्रमाण सातत्याने वाढते आहे. गंभीर प्रकारच्या सेशन खटल्यांमध्ये मागील तीन वर्षात जवळपास तीन पटीने वाढ झाली असून, जेएमएफसी कोर्टात देखील गुन्हा सिद्ध होण्याचे प्रमाण गत वर्षाइतके ठेवण्यात यश मिळाले आहे.

'जेएमएफसी' कोर्टात २०१६ मध्ये तब्बल एक हजार १२८ खटले निकाली निघालेत. चोरी, दुखापत, किरकोळ हाणामारी अशा साधारणतः तीन ते सात वर्षांपर्यंत शिक्षेची तरतूद असलेल्या खटल्यांचा यात समावेश असतो. या कोर्टांत २०१६ मध्ये एक हजार १२८ पैकी ४५३ खटल्यांमध्ये गुन्हे सिद्ध झाले होते. तर, ६७५ खटले निर्दोष सुटले होते. गुन्हा सिद्ध होण्याचे सरासरी प्रमाण ४०.१६ इतके राहिले. २०१५ मध्ये हेच प्रमाण २५.३१ इतके होते. २०१७ मध्ये सप्टेंबरपर्यंत गुन्हे सिद्ध होण्याचे प्रमाण थेट ५१.५२ टक्क्यांवर पोहचले आहे. २०१४ च्या ३१. १ टक्क्यांचा विचार करता तीन वर्षात गुन्हा सिद्ध होण्याच्या प्रमाणात समाधानकारक वाढ झालेली दिसते. २०१८ च्या नोव्हेंबर महिन्यांपर्यंत हे प्रमाण ५१.६६ टक्के इतके आहे. दरम्यान, खून, आत्महत्येस प्रवृत्त करणे, अपहरण अशा ७ वर्षांपेक्षा अधिक शिक्षा होऊ शकतात, अशा गुन्ह्यांची सुनावणी सेशन कोर्टात होते. २०१६ मध्ये अशा प्रकाराच्या १५३ खटल्यांची सुनावणी पूर्ण झाली. त्यातील ३३ खटल्यांमधील आरोपींना शिक्षा ठोठवण्यात आली तर १२० गुन्ह्यात पुराव्या अभावी निर्दोष सुटका झाली. तरीही गुन्हा सिद्ध होण्याचे प्रमाण प्रथमच २१.५७ इतके झाले. २०१५ मध्ये १५.५८ टक्के आणि २०१४ मध्ये गुन्हा सिद्ध होण्याचे प्रमाण अवघे ९.४० टक्के इतके होते. नोव्हेंबर २०१८ पर्यंत या खटल्यातील २९.६८ टक्के गुन्हे सिद्ध करण्यात पोलिसांना यश मिळाले.

प्रशिक्षणाने दिसला फरक

याबाबत पोलिस उपायुक्त विजयकुमार मगर यांनी सांगितले, की गुन्हा शोधून काढणे, त्यादृष्टीने पुरावे सकंलित करणे आणि कोर्टात आरोपींना शिक्षा व्हावी यासाठी पुराव्यांची मांडणी करणे ही मोठी प्रक्रिया असून, तसे प्रशिक्षण वेळोवेळी पोलिस अधिकाऱ्यांना वा कर्मचाऱ्यांना देण्यात येत असते. पैरवी अधिकारी तसेच कर्मचारी यांचे योगदान महत्त्वाचे असून, फॉरेन्सिक लॅब, फॉरेन्सिक व्हॅन यांचा प्रत्येक घटनेत खुबीने वापर केला जातो आहे. सरकारी पक्षाच्या वकिलांसोबत सतत संवाद सुरू असतो. त्याचा हा परिणाम आहे.

गुन्ह्यांची सिद्धता (टक्केवारीमध्ये)

वर्ष...सत्र न्यायालय...जेएमएफसी

२०१४...९.४...३२.१

२०१५...१५.५८...२५.३१

२०१६...२१.५७...३३.२६

२०१७...२५.९३...५१.५२

२०१८...२९.६८...…५१.६६

..

लोगो : शुभवार्ता

मोबाइल अॅप डाउनलोड करा आणि राहा अपडेट

भाविकांनी साधला गणेश दर्शनाचा योग

0
0

\Bअंगारकी चतुर्थीनिमित्त विविध उपक्रम \B

म. टा. प्रतिनिधी, नाशिक

सरत्या वर्षातील अखेरच्या अंगारकी चतुर्थीच्या औचित्यावर भावकांनी शहरातील गणेश मंदिरांमध्ये श्रींच्या दर्शनाचा योग साधला. अंगारक चतुर्थीनिमित्त विविध गणेश मंडळे आणि मंदिर व्यवस्थापनांच्या वतीने धार्मिक व सामाजिक उपक्रमांचे आयोजन केले. अंगारक योगावर चतुर्थीचे व्रत नव्याने धारण करू इच्छिणाऱ्यांनी व्रताचा संकल्प सोडला. शहर आणि उपनगरांमधील गणेश मंदिरे भाविकांच्या गर्दीने मंगळवारी गजबजून गेली.

नाताळनिमित्त मंगळवारी शासकीय सुट्टी आल्याने सायंकाळनंतर शहरात मोठ्या प्रमाणावर गर्दी होती. परिणामी गणेश मंदिरातही सुटीमुळे गर्दी वाढल्याचे दिसून आले. पंचवटीतील तीळा गणेश, अशोक स्तंभावरील ढोल्या गणपती, रविवार कारंजावरील चांदीचा गणपती, गोदेकाठचे मदन गणेश मंदिर, गंगापूर रोडवरील नवश्या गणपती मंदिर या मंदिरांसह उपनगरांमधील गणेश मंदिरांमध्ये विविध धार्मिक कार्यक्रमांचे आयोजन करण्यात आले.

सरत्या वर्षातील तिसरा योग

सरत्या वर्षात तीनवेळा अंगारक चतुर्थीचा योग आला. वर्षाच्या सुरुवातीस ३ एप्रिल रोजी त्यानंतर थेट ३१ जुलै रोजी आणि जुलैनंतर पाच महिन्यांनी म्हणजे मंगळवारी (दि. २५) अंगारक योग आला होता. शहरात मंगळवारी सकाळी ९ वाजेदरम्यान चंद्रोदय असल्याने या वेळेत श्रींना मोदकांचा नैवेद्य दाखवून व चंद्रपूजन करून भाविकांनी उपवासाचे व्रत पूर्ण केले.

मोबाइल अॅप डाउनलोड करा आणि राहा अपडेट

स्मार्ट रोडसाठी ३१ मार्चची डेडलाइन

0
0

म. टा. प्रतिनिधी, नाशिक

स्मार्ट सिटीमध्ये समावेश झालेल्या नाशिक शहरात अशोकस्तंभ ते सीबीएस या स्मार्ट रोडचे काम प्रगतीपथावर असून महापालिका आयुक्त राधाकृष्ण गमे यांनी मंगळवारी या कामाची पाहणी केली. स्मार्टरोडचे काम ३१ मार्चपर्यंत पूर्ण करा, अशा सूचना संबंधित यंत्रणेला करण्यात आल्या आहेत.

नाशिकचा स्मार्ट सिटीमध्ये समावेश करण्यात आला असून, शहराला स्मार्ट लूक देण्यासाठी विविध प्रकारची विकास कामे हाती घेण्यात आली आहेत. अशोकस्तंभ ते सीबीएस आणि सीबीएस ते त्र्यंबक नाका या अत्यंत वर्दळीच्या रस्त्यांचे काम स्मार्ट सिटी प्रकल्पांतर्गत प्राधान्याने सुरू करण्यात आले आहे. त्यामुळे या मार्गावरील वाहतूक बंद करण्यात आली असून नागरिकांना पर्यायी मार्गांचा अवलंब करावा लागतो आहे. महापालिका आयुक्तपदाचा कार्यभार स्वीकारणाऱ्या गमे यांनी मंगळवारी स्मार्ट रोडसह विविध विकास कामांची पाहणी केली. सकाळी साडे अकराच्या सुमारास ते यंत्रणेसह अशोकस्तंभ ते मेहेर सिग्नल या रस्त्याची पाहणी करण्यासाठी पोहोचले. या मार्गाचे काम जूनपर्यंत पूर्ण करण्याचा यंत्रणेचा प्रयत्न आहे. परंतु या परिसरातील वर्दळ आणि नागरिकांच्या होत असलेल्या गैरसोयीचा विचार करता हे काम लवकरात लवकर पूर्ण करण्याच्या सूचना त्यांनी यंत्रणेला दिल्या. या स्मार्ट रोडचे काम पूर्ण करण्यासाठी त्यांनी ३१ मार्चची डेडलाइनही निर्धारीत केल्याची माहिती सूत्रांनी दिली आहे. गमे यांनी कालिदास कलामंदीर, महात्मा फुले कलादालन, नेहरू उद्यानाला देखील भेट दिली. बी. डी. भालेकर मैदानावर सुरू असलेल्या वाहनतळाच्या कामाचीदेखील त्यांनी माहिती घेतली. अमरधाममधील विद्युत दाहिनी, शहरात सुरू करण्यात आलेल्या सायकल शेअरिंग प्रकल्पाची देखील आयुक्तांनी पाहणी केल्याची माहिती सूत्रांनी दिली आहे.

मोबाइल अॅप डाउनलोड करा आणि राहा अपडेट


आनंदवलीमध्ये पादुकांची मिरवणूक

0
0

म. टा. वृत्तसेवा, सातपूर

नाशिककरांचे आराध्य दैवत असलेल्या गंगापूर रोडवरील नवश्या गणपती मंदिर ट्रस्टतर्फे आनंदवली गावातील हनुमान मंदिरापासून नवश्या गणपतीच्या पादुकांची सकाळी मिरवणूक काढण्यात आली. यावेळी महिला भजनी मंडळांचाही सहभाग होता. याप्रसंगी शिवसेना गटनेते विलास शिंदे, नगरसेवक सुधाकर बडगुजर, संतोष गायकवाड, नगरसेविका सीमा निगळ, नयना गांगुर्डे आदींच्या हस्ते पालखीची पूजा करण्यात आली.

नवश्या गणपती मंदिर ट्रस्टचे अध्यक्ष राजू जाधव व सविता जाधव यांच्या हस्ते महापूजा झाली. यानंतर गणेश अभिषेकानंतर भाविकांनी पहाटेपासून दर्शनासाठी रांगा लावल्या. समारे अर्धा किलोमीटरपर्यंत भाविकांची लांब रांग लागली होती. कुठलाही अनुचित प्रकार होऊ नये यासाठी गंगापूर पोलिसांचा चोख पोलिस बंदोबस्त होता. ट्रस्टने गर्दीच्या वेळी किमान गणपतीच्या मुखदर्शनाची तरी व्यवस्था करावी, अशी मागणी महिला भक्तांनी केली.

साबुदाणा खिचडीचा प्रसाद

गंगापूर रोड : मंदिर ट्रस्टच्या वतीने भाविकांना साबुदाणा खिचडीच्या प्रसादाचे वाटप करण्यात आले. ठेवण्यात आला होता. दुपारी दोन वाजेपर्यंत तब्बल दोन हजार किलोच्या साबुदाणा खिचडी प्रसादाचे वाटप करण्यात आले. भाविकांची गर्दी वाढल्याने दुपारनंतर खिचडी बनविण्यात अडचण आली. दरम्यान, भाविकांना रक्तदानाचे आवाहन अर्पण व जलकल्याण रक्तपेढीकडून करण्यात आले. अनेक भाविकांनी त्यास प्रतिसाद देत रक्तदान केले.

देवळालीत जयघोष

देवळाली कॅम्प : देवळालीतील विविध गणेश मंदिरांमध्ये दर्शन घेण्यासाठी भाविकांची सकाळपासून गर्दी दिसून आली. यावेळी भाविकांनी गणपती बाप्पाच्या नावाचा जयघोष केला.

लामरोडवर सिवानंदा कंपनीच्या प्रांगणात महाराजकृष्ण बिरमानी यांच्या प्रमुख उपस्थितीत महाआरती झाली. भाविकांना सायंकाळी दूध व प्रसादाचे वाटप करण्यात आली. गुरुद्वारा रोडवर असलेल्या इच्छापूर्ती गणेश मंदिर येथे पांडुरंग झोंबाड यांच्या हस्ते महाभिषेक तर मंदिराचे विश्वस्त शामराव कदम यांच्या हस्ते महाआरती झाली. त्यानंतर सर्व गणेशभक्तांना खिचडी वाटप, मोदक, लाडूसह दुधाच्या प्रसादाचे वाटप करण्यात आले. याप्रसंगी गिरिश गायकवाड, मनोज मेन्द्रे, गणेश यादव, राहुल शिरसाठ, रवी झनकर, अनिल परदेशी, कैलास परदेशी, दशरथ कासार, कमलेश खरोटे उपस्थित होते.

गवळीवाडा येथे असणाऱ्या सिद्धिविनायक गणेश मंदिरात सकाळी महाभिषेक व सांयकाळी गवळीवाडा मित्र मंडळाचे अध्यक्ष सुरेश कदम, उपाध्यक्षा सुनंदा कदम यांच्या हस्ते महाअभिषेक करण्यात आला. याप्रसंगी दीपक बुंदेले, कचरू गोडसे, रमेश शिरसाठ, दिलीप पगारे आदींच्या उपस्थितीत खिचडी व प्रसादाचे वाटप झाले. विठ्ठलवाडी परिसरात असलेल्या विघ्नहर्ता गणेश मंदिरात स्थानिक नागरिकांच्या उपस्थितीत महाआरती करण्यात आली.

मोबाइल अॅप डाउनलोड करा आणि राहा अपडेट

गिरणाकाठी बाप्पाचा जयघोष

0
0

म. टा. वृत्तसेवा, सटाणा

अंगारिका चतुर्थीच्या निमित्ताने ठेंगोडा येथील स्वयंभू सिद्धीविनायक गणेश मंदिरात श्रींच्या दर्शनासाठी गणेशभक्तांनी भल्या पहाटे पासूनच मोठी गर्दी केली होती. यानिमित्ताने भाविकांसाठी मंदिर पहाटे चार वाजता दर्शनासाठी खुले करण्यात आले होते. पहाटे तीन वाजता मंदिरात अभिषेक व महापूजा करण्यात आली. यावर्षीची ही अखेरची अंगरिका चतृर्थी असल्याने हजारो भाविकांनी विनायकाचे दर्शन घेतले.

मंदिरात आकर्षक फुलांची सजावट करण्यात आली होती. ट्रस्टच्यावतीने भविकांसाठी साबुदाणा खिचडीचे वाटप करण्यात आले. मंदिर परिसरात पेढे, फुले, दुर्वा, खेळणी, नारळ, फराळाची लहान-मोठी दुकाने लावण्यात आल्याने मंदिर परिसराला यात्रेचे स्वरूप प्राप्त झाले होते. श्रींच्या मंदिरासमोरच महामार्ग असल्याने या महामार्गावर दुचाकी व चारचाकी वाहने उभी करण्यात आल्याने वाहतुकीस वेळोवेळी अडथळे निर्माण झाले. दर्शनासाठी मोठ्या संख्येने भाविक आल्याने वाहनांच्या दुतर्फा मोठ्या रांगा लागल्या होत्या. भाविक पहाटे पायी चालत येऊन दर्शनासाठी उभे होते. यात महिला भाविकांची संख्या लक्षणीय होती. फेब्रुवारी महिन्यात सिद्धीविनायक मंदिरात रामकथेचे आयोजन करण्यात आले असल्याचे सिद्धी विनायक मंदिर ट्रस्टच्या वतीने सांगण्यात आले.

मोबाइल अॅप डाउनलोड करा आणि राहा अपडेट

हॅपी स्ट्रीटची धम्माल पुन्हा!

0
0

म. टा. प्रतिनिधी, नाशिक

कुठे बॉलिवूड हिट्सच्या तालावर थिरकरणारी तरुणाई... कुठे वादनावर ठेका धरलेले आबालवृद्ध... कुठे रंगलेला बुद्धिबळाचा खेळ... तर कुठे मुले रोबो बनविण्यात दंग. काही ठिकाणी रंगलेली रस्सीखेच तर कोणी दोरीवरच्या उड्यांमध्ये मग्न. अशा धम्माल वातावरणात नाशिककरांना हॅपी स्ट्रीटचा आनंद पुन्हा लुटता येणार आहे. येत्या शनिवारी कॉलेजरोडवर ही धमाल होणार असून, त्याची जय्यत तयारी सुरू झाली आहे.

ज्या रस्त्यावरून आपण नेहमी जीव मुठीत घेऊन चालत जातो किंवा वाहने चालवितो, त्या रस्त्यावर जर तुम्हाला दोरीच्या उड्या खेळायला मिळाल्या, सुबक रांगोळी रेखाटण्यास मिळाली, भर रस्त्यात बॅडमिंटन-व्हॉलिबॉल आदी खेळ खेळण्यास मिळाले, वाद्य वाजविण्यास, गाणी म्हणण्यास किंवा नृत्याची संधी मिळाल्यास आनंदच होईल ना. तर मग ही तुम्ही नक्की तयार व्हा, कारण आगळे-वेगळे उपक्रम आणणाऱ्या 'महाराष्ट्र टाइम्स' ने ही संधी येत्या शनिवारी (दि. २९) हॅपी स्ट्रीटच्या रुपाने आणली आहे. शनिवारी सायंकाळी ६ ते ९ या वेळेत कॉलेजरोडवर नाशिककरांच्या वर्षाअखेरीच्या सेलिब्रेशनमध्ये हॅपी स्ट्रीटही आनंदाची भर घालणार आहे.

नाशिक महापालिका आणि नाशिक पोलिस यांच्या सहकार्याने सायंकाळचा हा हॅपी स्ट्रीट नाशिककरांना आनंदाची वेगळी अनूभूती देणार आहे. गेल्या वर्षीच्या हॅपी स्ट्रीटला नाशिककरांनी उत्स्फूर्त प्रतिसाद दिला होता. नागरिकांची मागणी विचारात घेऊन वर्ष अखेरचे निमित्त साधत 'महाराष्ट्र टाइम्स'ने ही भेट पुन्हा आणली आहे. कॉलेजरोडचा सेलिब्रेशनचा माहोल, या वर्षातल्या अखेरच्या शनिवारची निवांत संध्याकाळ आणि तरुणाईच्या उत्साहाला मिळणारे व्यासपीठ यामुळे नागरिकांचा आनंद द्विगुणित होणार आहे. यंदाच्या हॅपी स्ट्रीटमध्येही नेल आर्ट, मेहंदी, फेस पेंटिंग, कॅनव्हास पेंटिंग, शॉपिंग बॅग मेकिंग, स्केच आर्ट, अॅबस्ट्रॅक्ट पेंटिंग, विविध स्पोर्ट गेम्स, म्युझिकल आणि इन्स्ट्रूमेंटल सादरीकरण, रांगोळी रेखाटन, डान्स परफॉर्मन्स आदी उपक्रम होणार आहेत.

कलाकारांना संधी

यंदाच्या हॅपी स्ट्रीटमध्ये कला सादर करण्यास इच्छुक ग्रुपसाठी नोंदणी बंधनकारक आहे. मर्यादीत कलाकारांना या उपक्रमात सहभागी होण्याची संधी मिळणार आहे. इच्छुकांनी ९४२२५१३५६९ या क्रमांकावर दुपारी १२ ते ४ या वेळेत संपर्क साधावा.

मोबाइल अॅप डाउनलोड करा आणि राहा अपडेट

पेन्शनर करणार ‘आक्रोश’

0
0

म. टा. प्रतिनिधी, नाशिक

पेन्शन वाढीबाबतच्या उच्च न्यायालयाच्या निकालाची अंमलबजावणी १५ जानेवारीपर्यंत न केल्यास आक्रोश आंदोलन छेडण्यात येईल, असा इशारा नाशिक जिल्हा पेन्शन फेडरेशनने दिला आहे.

पेन्शनधारकांना दरमहा नऊ हजार रुपये पेन्शनवाढ व महागाई भत्ता लागू करावा, कोशियारी समितीच्या शिफारशीनुसार तीन हजार रुपये आणि महागाई भत्ता सर्वप्रथम दिला जावा, ईएसआय लागू करावा, दर पाच वर्षांनी पेन्शन सर्वेक्षण करून त्यामध्ये वाढ करावी, पेन्शनधारकांना ४ लाख रुपयांच्या मेडिक्लेमसह आरोग्यासाठी लाभदायी योजना लागू कराव्यात आदी मागण्या ऑल इंडिया ईपीएफ ९५ पेन्शनर्स फेडरेशनने सरकारकडे केल्या आहेत. याबाबत स्थानिक पातळीपासून दिल्लीपर्यंत विविध प्रकारची आंदोलनेदेखील करण्यात आली आहेत. फेडरेशनच्या मागण्यांबाबत सरकारने सकारात्मकता दर्शविली असली तरी अद्याप अंमलबजावणी होऊ शकलेली नाही. १५ जानेवारीपर्यंत अंमलबजावणी न झाल्यास देशभर 'करो या मरो' स्वरुपाचे आक्रोश आंदोलन छेडण्याचा इशारा संघटनेने दिला आहे.

मोबाइल अॅप डाउनलोड करा आणि राहा अपडेट

येशूभक्तीत ख्रिस्ती बांधव लीन

0
0

म. टा. प्रतिनिधी, नाशिक

'जिंगल बेल... जिंगल बेल... जिंगल ऑल द वे..' गात ख्रिश्चन बांधवांनी नाताळ उत्साहात साजरा केला. आप्तेष्ट आणि नातेवाइकांना शुभेच्छा आणि भेटवस्तू देत हा सण बांधवांनी साजरा केला. मंगळवारी सकाळपासून नाताळचा उत्साह सर्व चर्चमध्ये दिसून आला. सर्वधर्मियांसह ख्रिस्ती बांधवांनी प्रभू येशूच्या प्रार्थनेसाठी चर्चमध्ये गर्दी केल्याचे दिसले.

नाताळ निमित्त सोमवारी रात्री ९ वाजेपासून कॅरल सिंगिंग करण्यात आले. यावेळी एकमेकांना ख्रिसमसच्या शुभेच्छा देताना, प्रभू येशू ख्रिस्ताची स्तुती गायली गेली. शहरातील सर्व चर्चमध्ये सोमवारी रात्री सुरू झालेला नाताळाचा सोहळा मंगळवारी रात्री उशिरापर्यंत होता. मंगळवारी सकाळी ८ वाजता शहरातील सर्व चर्चमध्ये प्रभू येशू ख्रिस्त जन्मानिमित्त मिस्सा करण्यात आली. दुपारी २ वाजेपर्यंत चर्चमध्ये सामूहिक प्रार्थना करण्यात आल्या. सकाळपासूनच ख्रिश्चन बांधव चर्चमध्ये कँडल लावून प्रार्थना करीत होते. त्र्यंबक नाका परिसरातील होली क्रॉस चर्च, शरणपूर रोडवरील संत आंद्रिया चर्चसह शहरातील इतर भागातील चर्चमध्ये आकर्षक सजावट आणि रोषणाई करण्यात आली आहे. फुगे, बेल्स, कँडल्स आणि दिव्यांनी चर्चचा परिसर उजळून निघाला. शहरातील सर्व चर्च आणि ख्रिस्ती बांधवांच्या घरी साकारण्यात आलेले प्रभू येशूजन्माचे देखावे लक्षवेधक ठरले. मंगळवारी संध्याकाळी सर्व चर्चमध्ये केकवाटप करत, नाताळनिमित्त सांस्कृतिक कार्यक्रम सादर करण्यात आले. यावेळी ख्रिस्ती बांधवांनी गर्दी केली. ख्रिसमसचा हा उत्साह नववर्षाच्या स्वागतापर्यंत राहणार असून, १ जानेवारीपर्यंत विविध धार्मिक व सांस्कृतिक कार्यक्रमांची रेलचेल चर्चमध्ये असणार आहे.

\Bकेकला मागणी \B

नाताळच्या दिवशी केकला अधिक मागणी होती. खास नाताळसाठी शहरातील केकशॉप्समध्ये प्लम केक तयार करण्यात आले. चॉकलेटने बनविलेल्या या प्लम केकसह चॉकलेट ट्रफल, चॉकलेट अल्मंड, ब्लॅक फॉरेस्टला ख्रिस्ती बांधवांनी पसंती दिली.

मोबाइल अॅप डाउनलोड करा आणि राहा अपडेट

व्यापाऱ्याच्या घरी अडीच लाखांची चोरी

0
0

व्यापाऱ्याच्या घरी अडीच लाखांची चोरी

म. टा. वृत्तसेवा, जेलरोड

नाशिकरोड येथील एका व्यापाऱ्याच्या घरी चोरट्यांनी अडीच लाखांचा डल्ला मारला आहे. उपनगर पोलिस चोरीचा गुन्हा दाखल झाला आहे.

विजय उत्तमचंद चोरडिया (६४, रा. दत्त मंदिररोड, नाशिकरोड) यांनी फिर्याद दिली. चोरडिया हे रविवारी (दि. २३) गुजरातमधील वापी येथे आपल्या बहिण्याच्या घरी कार्यक्रमानिमित्त परिवारासह गेले होते. तिकडून सोमवारी (दि. २४) रात्री आठ वाजता परतल्यावर घराच्या खिडकीचे गज वाकवलेले त्यांना दिसले. बेडरुममधील लाकडी कपाटाचे कुलूप तोडून चोरट्यांनी चोरी केल्याचे आढळले. वडिलोपार्जित दोन लाखांचे दागिने चोरट्यांनी लांबविले. त्यामध्ये पाच तोळ्यांच्या एक लाखांच्या सोन्याच्या बांगड्या व पाटल्या, दोन तोळ्याचे सोन्याचे मंगळसूत्र, ३० हजारांचे १५ ग्रॅमचे झुमके, ३० हजाराच्या १५ ग्रॅमच्या सोन्याच्या तीन अंगठ्या तसेच पन्नास हजार रुपये रोख असा ऐवज चोरीस गेला आहे. उपनगर पोलिस ठाण्याचे वरिष्ठ निरीक्षक प्रभाकर रायते यांच्या मार्गदर्शनाखाली तपास सुरू आहे.

मोबाइल अॅप डाउनलोड करा आणि राहा अपडेट

सिनेमाचे व्याकरण वेगळे; ते रुजवायला हवे!

0
0

दिग्दर्शक अभिजित देशपांडे यांचे प्रतिपादन

म. टा. खास प्रतिनिधी, नाशिक

सिनेमा बघायला गेल्यावर आपला आयक्यू २५ टक्क्यांनी वाढलेला असतो, तोच आपण टीव्ही बघत असताना २५ टक्क्यांनी कमी झालेला असतो. आपण सिनेमातून सोशल मॅसेज द्या किंवा नका देऊ प्रेक्षकांना जो मॅसेज घ्यायचा तो ते घेतातच. त्यासाठी ते आपली वाट बघत नाही. सिनेमाचे व्याकरणच वेगळे आहे, ते रुजवायला हवे, असे प्रतिपादन ख्यातनाम पटकथा लेखक व '...आणि काशिनाथ घाणेकर' चित्रपटाचे दिग्दर्शक अभिजित देशपांडे यांनी केले.

आयाम नाशिक यांच्यावतीने देशपांडे यांच्या मुलाखतीचे आयोजन करण्यात आले होते. 'महाराष्ट्र टाइम्स' या कार्यक्रमाचे मीडिया पार्टनर होते. शंकराचार्य न्यासाच्या डॉ. कुर्तकोटी सभागृहात हा कार्यक्रम झाला. 'सिनेमे सोशल मॅसेजेस देतात का', या प्रश्नाचे उत्तर देताना देशपांडे म्हणाले, की तुम्ही त्या विषयाबरोबर जितके रहाल तितके तुम्ही त्याच्याशी समरस होत जातात. त्यामुळे मॅसेज जातोच. 'काशिनाथ घाणेकरांवर सिनेमा करावासा का वाटला', या प्रश्नाचे उत्तर देताना देशपांडे म्हणाले, की या विषयावर चित्रपट का काढू नये असे खरे तर वाटायला हवे. हा विषय चित्रपटाचाच आहे, त्यामुळे तो हेरला. ज्यांना काशिनाथ घाणेकर माहीत आहे, त्यांच्यासाठी व ज्यांना ते माहीत नाही त्यांच्यासाठीही हा सिनेमा आहे. कोण होता हा माणूस, दारू पिऊन परफॉर्मन्स करणारा, स्टेजवर जाऊन बायकांना चिमटे काढणारा, अवलियासारखे आयुष्य जगणारा हा माणूस लोकांसमोर आणण्यात मला रस होता. तो माणूस कलाकार म्हणून काय होता हे दाखवण्याबरोबरच त्याच्या कॅरेक्टरची लक्तरेदेखील मी काढली आहे. कॉलेजात असताना आई नेहमी म्हणायची, काशिनाथ घाणेकरसारखे वाया जाऊ नको. एका नाटकात जाऊन दुसऱ्या नाटकाचे डायलॉग म्हणत होता इतके तो व्यसन करायचा. तेव्हापासून हा माणूस माझ्या लक्षात होता. मला त्यावर काम करायचे होते, असे त्यांनी सांगितले.

'या सिनेमाविषयी रिसर्च काय होता', या प्रश्नाचे उत्तर देताना देशपांडे म्हणाले, की तो काळ उभा करणे खूप कठीण होते. कपडे, आर्किटेक्चर आणि भाषा हे उभे करताना अक्षरश: ताण आला होता; परंतु ते यशस्वी झाले.

संहितालेखिका कल्याणी पंडित यांनी मुलाखत घेतली. कार्यक्रमासाठी विनायक रानडे, मिलिंद कुलकर्णी यांनी विशेष परिश्रम घेतले.

आपल्याकडे लेखक उपेक्षित

'लेखकांविषयी काय मत आहे', या प्रश्नावर उत्तर देताना देशपांड म्हणाले, की आपल्या मराठी चित्रपटसृष्टीत उत्कृष्ट कलाकार, साहित्य आहे पण आपल्याकडे लेखकाला योग्य मान मिळत नाही. हल्ली अनेक लेखक दिग्दर्शक होतात आणि हा धोकादायक ट्रेंड आहे. त्यामुळे मराठी चित्रपटसृष्टीतून चांगले लेखक नाहीसे होत आहेत.

..

लोगो : मीडिया पार्टनर

फोटो : पंकज चांडोले

मोबाइल अॅप डाउनलोड करा आणि राहा अपडेट


दुचाकी अपघातात विद्यार्थ्याचा मृत्यू

0
0

म. टा. प्रतिनिधी, नाशिक

भरधाव अज्ञात वाहनाने हुलकावणी दिल्याने दुचाकी दुभाजकावर आदळून झालेल्या अपघातात १७ वर्षांच्या विद्यार्थ्याचा मृत्यू झाला. ही घटना मंगळवारी सायंकाळी सात वाजेच्या सुमारास त्र्यंबक रोडवरील महाराष्ट्र पोलिस अकादमीसमोर (एमपीए) झाला. डेन डेव्हिस (१७) असे अपघातात ठार झालेल्या युवकाचे नाव आहे.

अकरावीचे शिक्षण घेत असलेल्या डेनचा नाताळ सणाच्या दिवशीच अपघाती मृत्यू झाल्याने सर्वत्र हळहळ व्यक्त होत आहे. गंगापूर पोलिस स्टेशनमध्ये रात्री उशीरापर्यंत नोंद करण्याचे काम सुरू होते. डेन हा नाशिककडून सातपूरच्या दिशेने मंगळवारी (दि.२५) सायंकाळी साडेसहा वाजेच्या सुमारास मोपेडवर प्रवास करीत असतांना हा अपघात झाला. 'एमपीए'समोर अज्ञात भरधाव वाहनाने त्याच्या मोपेडला हुलकावणी दिली. यामुळे दुचाकी दुभाजकावर जाऊन आदळली. या अपघातात डेन गंभीर जखमी झाला. परिसरातील नागरीकांनी त्यास तत्काळ सिव्हिल हॉस्पिटलमध्ये दाखल केले. तिथे डॉक्टरांनी तपासून मृत घोषित केले.

दिंडोरी रोडवरील ग्लोबल पब्लिक स्कूल अ‍ॅण्ड ज्युनिअर कॉलेज येथे डेन अकरावीच्या वर्गात शिक्षण घेत असल्याचे समजते. नाताळनिमित्त कुटुंबीयांची धावपळ सुरू असतांना काही मित्रही त्याच्या सोबत होते. मित्रांना घरी बसवून तो दोन मिनिटात आलो, असे सांगून घराबाहेर पडला होता. यावेळी त्याने मित्राची दुचाकी नेल्याचे सांगण्यात येते. त्र्यंबकरोडवर मोठा अपघात झाल्याची माहिती मित्रांना मिळताच त्यांनी घटनास्थळी धाव घेतली असता डेन जखमी अवस्थेत होता.

मोबाइल अॅप डाउनलोड करा आणि राहा अपडेट

गुन्हा सिद्धतेत तीन पटींनी वाढ

0
0

नाशिक : शहर पोलिस तसेच सरकारी पक्षाकडून होणाऱ्या प्रयत्नांमुळे सेशन तसेच प्रथम वर्ग न्यायदंडाधिकारी (जेएमएफसी) यांच्या कोर्टात चालणाऱ्या खटल्यांमध्ये गुन्हे सिद्ध होण्याचे प्रमाण सातत्याने वाढते आहे. गंभीर प्रकारच्या सेशन खटल्यांमध्ये मागील तीन वर्षांत जवळपास तीन पटींनी वाढ झाली असून, जेएमएफसी कोर्टातदेखील गुन्हा सिद्ध होण्याचे प्रमाण गतवर्षाइतके ठेवण्यात यश मिळाले आहे.

सविस्तर वृत्त...२

मोबाइल अॅप डाउनलोड करा आणि राहा अपडेट

विश्वशांतीसाठी येशूकडे प्रार्थना

0
0

नाताळाचा उत्साह शिगेला; कार्यक्रमांनी गजबजले चर्च

म. टा. प्रतिनिधी, जळगाव

ख्रिसमसनिमित्त शहरातील सर्व चर्चमध्ये मंगळवारी (दि. २५) जगात शांतता नांदावी, तसेच परस्परातील प्रेमभाव वृद्धिंगत व्हावा यासाठी ख्रिस्ती बांधवांतर्फे प्रार्थना करण्यात आली. नाताळासह नववर्षाच्या शुभेच्छांच्या वर्षावात प्रभू येशूचा जन्मोत्सव जल्लोषात साजरा करण्यात आला.

नाताळनिमित्त सोमवारी (दि. २४) रात्री ११.४५ मिनिटांनीच उत्सवाला प्रारंभ झाला. मध्यरात्री १२ वाजेनंतर येशूचा जन्मदिवस ख्रिस्ती बांधवांतर्फे साजरा करण्यात आला. सर्वच चर्चमध्ये शांती आणि प्रेम भावना एकमेकांमध्ये नांदण्यासाठी प्रत्येकाने प्रयत्न करावा, असे सांगत शुभेच्छा संदेश देण्यात आला. शहरात मेहरूण तलावाजवळ सेंट थॉमस चर्च, रामानंदनगर रस्त्यावर सेंट फ्रान्सिस डी. सेल्स चर्च तर पांडे डेअरी चौकात सेंट अलायन्स चर्च असे तीन चर्च आहेत. तिन्ही चर्चमध्ये नाताळ सणानिमित्त गेल्या दहा दिवसांपासून उत्साहाचे वातावरण आहे. चर्चमध्ये आकर्षक विद्युत रोषणाई तसेच सजावट करण्यात आली आहे. प्रभू येशूच्या जन्मत्सोवाचे देखावे साकारण्यात आले आहेत. मंगळवारी सकाळपासून ख्रिस्ती बांधवांनी चर्चमध्ये हजेरी लावण्यास सुरुवात केली होती. प्रत्येक जण एकमेकांना नाताळच्या शुभेच्छा देत होता. बच्चे कंपनीदेखील एकमेकांना शुभेच्छा देण्यासह भेटवस्तूंचे आदानप्रदान करीत होते.

‘ग्लोरिया नाईट’ रंगली
नाताळनिमित्त प्रत्येक चर्चमध्ये ख्रिसमस गितांची रंगत होती. ‘ग्लोरिया नाईट’ हा रंगतदार कार्यक्रमही सोमवारी मध्यरात्रीनंतर रंगला. यात प्रभू येशूंच्या जीवनावरील गीते सादर करण्यात आली. सर्व चर्चमध्ये प्रभू येशूंच्या जन्माचा देखावा उभारण्यात आला आहे. हा देखावा पाहण्यासाठी ख्रिस्ती बांधवांसह इतर समाजबांधवदेखील चर्चमध्ये हजेरी लावत आहेत.

धुळ्यात प्रभू येशूंचा जन्मोत्सव उत्साहात
धुळे : शहरात मंगळवारी (दि. २५) नाताळच्या सणाच्या पार्श्वभूमीवर ख्रिस्ती बांधवांकडून प्रभू येशूंचा जन्मोत्सव मोठ्या उत्साहात साजरा करण्यात आला. तर सर्वधर्म संघाच्यावतीने कॅथोलिक चर्चच्या परिसरात केक कापून परस्परांना भरवून नाताळ सण मोठ्या उत्साहात साजरा झाला. तसेच शहरातील देवपूर चर्च, मथोडिस्ट चर्च मध्ये विविध कार्यक्रम झालेत.

शहरातील राजवाडे संशोधन मंडळासमोर असलेल्या सेंट कॅथोलिक चर्च विश्वशांतीचा संदेश व शहरात शांतता राहावी यासाठी प्रभू येशूला प्रार्थना करून फादर विल्सन रॉड्रिक्स यांच्यासह मान्यवरांनी केक कापून नाताळ सण साजरा केला. या वेळी ख्रिस्ती बांधवांनासह सर्वधर्म संघाचे शेख गुरूजी, प्रा. डॉ नरेंद्र जाधव, श्रीपाद नांदेडकर, जोसेफ मलबारी, गोविंद साखला पस्थित होते. सर्वांनी माता मेरीच्या पुतळ्यासमोर मेणबत्ती तेवत ठेवून प्रार्थना केली. यावेळी सांताक्लॉजने लहान मुलांना चॉकलेट देऊन त्यांचा आनंद द्विगुणीत केला.

मोबाइल अॅप डाउनलोड करा आणि राहा अपडेट

वाहनांच्या व्यवहारात लाखोंचा गैरव्यवहार

0
0

धुळ्यात तत्कालीन आरटीओंसह आठ जणांविरुद्ध गुन्हा

म. टा. वृत्तसेवा, धुळे

सरकारच्या विविध आरोग्य योजनांची जनजागृती, प्रचार व प्रसार करण्यासाठी भाडेतत्त्वावर घ्याव्या लागणाऱ्या वाहनांच्या व्यवहारात संगनमताने लाखो रुपयांचा गैरव्यवहार करण्यात आला. या प्रकरणी तत्कालीन आरटीओ, जिल्हा शल्यचिकीत्सक, जिल्हा रुग्णालयाला वाहन पुरविणाऱ्या वाहन मालकांसह आठ जणांविरुद्ध गुन्हा सोमवारी (दि. २४) रात्री उशिरा दाखल करण्यात आला आहे.

शासनाकडून राबविण्यात येणाऱ्या विविध आरोग्य योजनांची जनजागृती व्हावी. त्याचा प्रचार आणि प्रसार व्हावा म्हणून जिल्हा रुग्णालय भाडेतत्त्वावर वाहन घेते. याबाबत २००३ ते २०१५ या कालावधीत जिल्हा रुग्णालयाने भाडेतत्त्वावर वाहन घेतले होते. त्यासाठी देवराज ट्रॅव्हल्स, ओमशांती टूर्स अँड ट्रॅव्हल्स या दोघा एजन्सीने वाहन पुरविले होते. या वेळी जाहिरातीतील अटी-शर्तींचा भंग करून बेकायदेशीर व बनावट कागदपत्रे तयार करण्यात आली. त्यासाठी तत्कालीन अधिकाऱ्यांनी कागदपत्रांची पूर्तता न करता याकडे दुर्लक्ष केले. तसेच संबंधिताना पेमेंट करून लाखोंचा गैरव्यवहार केल्याचे समोर आले आहे. या सर्वांविरुद्ध सामाजिक कार्यकर्ते संजय रामेश्‍वर शर्मा यांच्या तक्रारीची दखल घेत करण्यात आलेल्या शहानिशेत ही तक्रार रास्त असल्याचे आढळून आले. परिणामी, मोहाडी पोलिसात त्यांची तक्रार नोंदवून घेत देवराज ट्रॅव्हल्सचे मालक भाऊसाहेब धनराज पाटील, ओम शांती टूर्स अँड ट्रॅव्हल्सचे मालक यांच्यासह तत्कालीन प्रादेशिक परिवहन अधिकारी विकास पांडकर, सहाय्यक मोटार वाहन निरीक्षक एस. टी. माने, लेखापरीक्षक बी. आर. चौधरी, तत्कालीन जिल्हा शल्यचिकीत्सक डॉ. गोवर्धन गायकवाड, जिल्हा रुग्णालयाचे अकाऊंट मॅनेजर उदय देशपांडे यांच्याविरोधात फसवणुकीचा गुन्हा दाखल झाला. पुढील तपास मोहाडी पोलिस ठाण्याचे पोलिस उपनिरीक्षक अभिषेक पाटील करीत आहेत.

मोबाइल अॅप डाउनलोड करा आणि राहा अपडेट

सारंगखेड्यात घोडेविक्रीने कोट्यवधींची उलाढाल

0
0

चेतक फेस्टिव्हलला ५२९ घोड्यांची विक्री

म. टा. वृत्तसेवा, धुळे

सारंगखेडा येथील अश्व बाजाराला चांगलीच गती आली असून, गेल्या तीन-चार दिवसांत जोरदार घोड्यांची विक्री झाली आहे. यात २२०० घोड्यांच्या आवकमधून सोमवारअखेर १०४ घोड्यांची व्रिकी झाली आहे. यामध्ये जवळपास ५० लाख ४ हजार ५०० रुपयांची उलाढाल झाली. तर मंगळवार (दि. २५) अखेर ५२९ घोड्यांची विक्री झाली असून, यातून १ कोटी ५५ लाख ९८ हजार ८०० रुपयांची उलाढाल झाली आहे. दरम्यान, आज (दि. २६) मुख्यमंत्री देवेंद्र फडणवीस सारंगखेड्यात भेट देणार असून, दोंडाईचा नगरपरिषदेच्या नवीन वास्तूचेही त्यांच्या हस्ते उद्घाटन होणार आहे.

संपूर्ण राज्यात प्रसिद्ध असलेल्या सारंगखेडा येथील घोडेबाजाराला गेल्या दोन दिवसांपासून गती आली आहे. पहिल्या दिवशी सर्वाधिक किमतीचा पाच लाख ७१ हजार रुपयांचा ‘काळा कुमैद’ हा मारवाड जातीचा घोडा विकला गेला. या वर्षीचा सर्वाधिक किमतीचा हा घोडा येथील बाजारात दुसाणे (ता. साक्री) येथील रोहित दादाभाई भदाणे यांनी विक्रीसाठी आणला होता. तो बारामती येथील पृथ्वीराज श्रीनिवास घोलप यांनी खरेदी केला. अश्व बाजारासह सारंगखेडा यात्रेत विविध व्यावसायिकांनी दुकानी थाटल्या असून, ग्राहकांचा चांगला प्रतिसाद लाभत असल्याने त्यांच्यात उत्साह दिसून येत आहे. सारंगखेडा यात्रेमुळे हजारो हातांना रोजगार उपलब्ध होत आहे. लहान मोठ्या व्यावसायिकांचा वार्षिक बजेट सारंगखेडा यात्रेवरच चालतो. दरवर्षीप्रमाणे यंदाही सारंगखेडा यात्रेची उलाढाल कोट्यवधीमध्ये होणार असल्याची माहिती आयोजकांनी दिली आहे.

सारंगखेड्यामध्ये आज मुख्यमंत्री येणार
चेतक फेस्टिव्हलला सलग तिसऱ्या वर्षी महाराष्ट्राचे मुख्यमंत्री देवेंद्र फडणवीस हजेरी लावणार आहेत. आज (दि. २६) दुपारी ३ वाजता कळंबू रस्त्यावरील हेलिपॅडवर मुख्यमंत्र्यांचे आगमन होईल. यात बचतगट पाहणी, शस्त्र प्रदर्शन पाहणी, चित्र प्रदर्शन पाहणी, वेबिंग गॅलरी येथे आगमन होऊन तेथून ते अश्व खेळांचे निरीक्षण करतील. यानंतर खुल्या जीपने अश्व पाहणी व टेन्ट सिटीची पाहणी करतील. या वेळी त्यांच्यासोबत जलसंपदा मंत्री गिरीश महाजन, पर्यटनविकास मंत्री जयकुमार रावल, मंत्री म. न. येरावार, दोंडाईचा नगराध्यक्षा नयनकुवर रावल, नंदुरबार जिल्हा परिषद अध्यक्ष रजनी नाईक, खासदार डॉ. हीना गावित, आमदार चंद्रकांत रघुवंशी, आमदार अमरिश पटेल, आमदार डॉ. विजयकुमार गावित, आमदार के. सी. पाडवी, आमदार उदेसिंग पाडवी, चेतक फेस्टिव्हलचे अध्यक्ष जयपालसिंह रावल, सरपंच सुशिलाबाई मोरे, पर्यटन विभागाच्या प्रधान सचिव विनिता सिंघल, विभागीय आयुक्त राजाराम माने, पर्यटन विभागाचे व्यवस्थापकीय संचालक अभिमन्यू काळे, जिल्हाधिकारी डॉ.मल्लीनाथ कलशेट्टी आदींसह व्यवस्थापकीय संचालक आशुतोष राठोड, पर्यटन विभागाचे महाव्यवस्थापक चंद्रशेखर जयस्वाल, प्रादेशिक व्यवस्थापक नितीन मुंडावरे उपस्थित राहणार आहेत.

मोबाइल अॅप डाउनलोड करा आणि राहा अपडेट

Viewing all 49119 articles
Browse latest View live




Latest Images