(सई लोकूरचा फोटो जोडला आहे. तो वापरावा, चौकटी वापराव्यात)
\B
\B
म. टा. प्रतिनिधी, नाशिक
नाशिककर महिलांमध्ये ज्या रॅलीची उत्सुकता शिगेला पोहोचली आहे, त्या 'महाराष्ट्र टाइम्स' आयोजित 'ऑल वूमेन बाइक रॅली'चा थरार आज, रविवारी (१० मार्च) सकाळी साडेसात वाजता होणार आहे. या रॅलीचे खास आकर्षण प्रसिद्ध अभिनेत्री सई लोकूर आहे.
जागतिक महिला दिनानिमित्त 'महाराष्ट्र टाइम्स'तर्फे 'ऑल वूमेन बाइक रॅली'चे आयोजन केले असून, ईदगाह मैदानापासून सकाळी ७.३० वाजता रॅलीला प्रारंभ होईल. त्यासाठी बाइकर्णींना सकाळी पावणेसातपर्यंत मैदानावर उपस्थित राहायचे आहे. रॅलीत बिग बॉस फेम प्रसिद्ध अभिनेत्री सई लोकूर हिचे खास आकर्षण असेल. नाशिककर महिलांसोबत बाइक रॅलीत वेगावर स्वार होण्यासाठी सई येणार असून, नाशिकच्या पोलिस अधीक्षक आरती सिंह, आमदार देवयानी फरांदे, सीमा हिरे, महापौर रंजना भानसी, फ्रवशी अॅकॅडमीच्या संचालिका शर्वरी लथ यांचादेखील रॅलीत सहभाग असेल.
या वेळी रॅलीद्वारे सीमेवर तैनात असलेल्या जवानांची खरी ताकद असलेल्या सैनिकांच्या पत्नींना सलाम केला जाणार आहे. त्यासह महिलांच्या सामर्थ्याचे दर्शन घडवत महिलादिनाचे हटके सेलिब्रेशन रॅलीत होणार आहे. त्यासाठी महिलांनी पारंपरिक ते वेस्टर्न आऊटफिटपर्यंतचा ट्रेंड फॉलो केला आहे. मोपेड, बुलेटसह स्पोर्ट्स बाइकची धूम या रॅलीत पाहायला मिळेल. धम्मालमस्तीच्या या पर्वणीत माहिलांच्या सामर्थ्याला, कर्तृत्वाला आणि धैर्याला 'हॅट्सऑफ' करण्यासाठी तुम्हीदेखील बाइक रॅलीत सहभागी व्हा.
\Bहे लक्षात घ्या\B
- रॅलीत सहभागासाठी सकाळी ६.४५ वाजता ईदगाह मैदान येथे नावनोंदणी होईल. प्रत्येक सभासदाला एक माहिती अर्ज भरणे अनिवार्य आहे.
- रॅलीमध्ये सहभागी होताना हेल्मेट वापरा आणि लायसन्स, पीयूसी आणि बाइकची सर्व कागदपत्रे जवळ ठेवा.
- बाइक चालविताना वाहतुकीच्या सर्व नियमांचे पालन करा.
- वळणावर बाइक काळजीपूर्वक चालवा.
- रॅलीमध्ये निश्चित केलेल्या मार्गावरूनच सहभागी व्हा.
\Bअसा आहे रॅलीचा मार्ग\B
ईदगाह मैदान (गोल्फ क्लब)पासून रॅलीला प्रारंभ होईल. ईदगाह मैदानापासून चांडक सर्कल- मायको सर्कल- एबीबी सर्कल- महात्मानगर- जेहान सिग्नल- गंगापूर रोड- डोंगरे वसतिगृह- कॅनडा कॉर्नर- शरणपूर पोलिस चौकी- मायको सर्कल- चांडक सर्कलमार्गे ईदगाह मैदान असा वूमेन बाइक रॅलीचा मार्ग असेल.
\Bबक्षिसांची लयलूट करण्याची संधी\B
'बेस्ट कॉस्च्युम, बेस्ट डेकोरेटेड बाइक, बेस्ट सोशल मेसेज, बेस्ट डेकोरेटेड हेल्मेट आणि बेस्ट ग्रुप' अशी बक्षिसे रॅलीदरम्यान देण्यात येणार आहे. त्यासह बाइक अन् हेल्मेट सजवण्यासाठीही तुम्ही चांगली संकल्पना निवडू शकता. समाजप्रबोधनासह नारीशक्तीचा अभिमान, कर्तृत्व, शौर्य अन् धैर्याला सलाम, स्वातंत्र्याचा गौरव तुम्ही त्या माध्यमातून व्यक्त करू शकतात.
--
\B'ऑल वूमेन बाइक रॅली'
\Bकधी : रविवार १० मार्च, २०१९
वेळ : सकाळी ७.३० ते १०
कुठे : ईदगाह मैदान, त्र्यंबकरोड, नाशिक