बागलाण तालुक्यातील नामपूर उपबाजार समितीत मंगळवारी कांद्याचे भाव इतर बाजार समित्यांच्या तुलनेत पाचशे रुपयांनी घसरले. त्यामुळे शेतकऱ्यांनी कांदा फेक करुन लिलाव बंद पाडले. संतप्त शेतकऱ्यांनी मालेगाव-अहवा राज्यमार्ग तब्बल तीन तास जाम केला.
कांद्याला हमी भावासाठी शेतकऱ्यांचे रास्ता रोको
↧
↧
छावाच्या कार्यकर्त्यांना पोलिसांनी केले स्थानबद्ध
अखिल भारतीय छावा संघटनेतर्फे मंगळवारी नाशिक येथे केंद्र‌िय कृषिमंत्री शरद पवार यांची सभा उधळून लावण्याचा इशारा दिला होता. त्या अनुषंगाने जिल्हा पोलिस प्रशासनाने सतर्कतेचा उपाय म्हणून छावा संघटनेच्या पदाधिकाऱ्यांना सभा संपेपर्यंत स्थानबद्ध केले होते. कळवण येथेही संघटनेचे तालुका अध्यक्ष प्रदीप पगार व त्यांच्या सहकाऱ्यांनाही पोलिसांनी ताब्यात घेतले होते.
↧
आदिवासी महिलांनी फुलवली बीटी वांग्यांची शेती
कळवण तालुक्याच्या आठबे परिसरातील आदिवासी कष्टाळू शेतकरी महिलांनी आपल्या शेतात दहा गुंठ्याच्या क्षेत्रावर बीटी वाणाच्या वांग्यांचे पिक यशस्वीरित्या घेतले आहे. भरीताच्या या वांग्यांना नाशिक, दिंडोरी, सुरत, कळवण परिसरातून मोठी मागणी मिळत असतून खरेदीदार थेट आठबे गावाकडे धाव घेत आहेत.
↧
सिन्नर पाणी पुरवठा योजनेला मंजुरी
सिन्नर शहरातील नागरिकांसाठी चोवीस तास पाणी पुरवठ्याची योजनेस राज्य व केंद्र शासनाची प्रशासकीय मंजुरी दिली असून, कडवा धरणातून सिन्नर शहरापर्यंत पाइपलाइनद्वारे हे पाणी येणार असल्याने यासाठी ६६.७२ लाख रुपये खर्चाच्या योजनेस विशेषबाब म्हणून मान्यता मिळाल्याचे तालुक्याचे आमदार माणिकराव कोकाटे यांनी सांगितले.
↧
शेतकऱ्यांनो, मी तुमच्या पाठीशी
‘कांद्याचे भाव वाढले आणि कोसळले तरी मलाच जबाबदार धरले जाते. एवढेच नाही तर जेवढे प्रश्न निर्माण होतात ते मीच सोडवले पाहिजे, अशी सर्वांची अपेक्षा असते हे चित्र बदलले पाहिजे.’ असे मत केंद्रीय कृषीमंत्री शरद पवार यांनी नांदगाव येथे केले. शेतकऱ्यांनी मला साथ द्यावी, मी नक्की पाठीशी उभा राहीन, असेही विश्वास त्यांनी शेतकऱ्यांना दिला.
↧
↧
माळवाडीची शाळा झाली सुरू
देवळा तालुक्यातील माळवाडी येथील महात्मा फुले हायस्कूलच्या वादग्रस्त शिक्षकाबरोबर त्या शिक्ष‌िकेचीही उचलबांगडी करण्याचा पर्याय संस्थाचालकांनी विद्यार्थ्यांपुढे ठेवला. हा पर्याय मान्य झाल्याने विद्यार्थ्यांनी बंद आंदोलन मागे घेत मंगळवारपासून शाळा पूर्ववत सुरु झाली.
↧
सरकार चालवणे अवघडच!
केवळ दहा महिन्यांपूर्वी स्थापन झालेल्या आम आदमी पक्षाने दिल्लीत काँग्रेसला धूळ चारली आणि वर त्यांच्याच पाठिंब्याने सरकार स्थापन केले पक्षाचे प्रणेते अरविंद केजरीवाल यांना त्याचे श्रेय जाते. काँग्रेसला धूळ चारल्यामुळे तो पक्ष पाठिंबा देत आहे, मात्र हा पक्ष केजरीवाल सरकार सहजासहजी चालू देणार नाही.
↧
अखेर डेंग्यूला लगाम
मागील पाच महिन्यांपासून शहरात तळ ठोकून बसलेल्या जीवघेण्या डेंग्यू आजाराला डिसेंबरमध्ये लगाम बसल्याचे दिसत आहे. या महिन्यात अवघ्या सहा जणांना डेंग्यूची लागण झाल्याचा दावा वैद्यकीय विभागाने केला असून मागील महिन्याच्या तुलनेत पेशंटची संख्या ३९ने घटली आहे.
↧
चार्वाक चौक रस्ता होणार रूंद
अनेक वर्षांपासून रूंदीकरणाच्या प्रतीक्षेत असलेला इंदिरानगर जॉगिंग ट्रॅक ते चार्वाक चौक हा डीपी रस्ता रूंद होण्याची चिन्हे आहेत. रूंदीकरणात जाणारी पक्की बांधकामे महापालिका प्रशासनाने बांधून द्यावीत, अशी मागणी संबंधित जागामालकांनी केली आहे.
↧
↧
बांधकाम पूर्णत्वाचा दाखलाही बिनदिक्कतच
बांधकामाचा परवाना दिल्यानंतर संबंधित काम पूर्ण झाल्याचा दाखला देण्याच्या बाबतीतही पिंपळगाव बसवंत ग्रामपंचायतीचे कामकाज ‘आदर्श’च आहे. अवघ्या दोन ओळींच्या अर्जावरच बांधकाम पूर्णत्वाचा दाखला दिला जात असल्याने नियमानुसार बांधकाम होण्याची अपेक्षा फुकाचीच असल्याचेही दिसून येत आहे.
↧
एसटीचा तक्रार दिन कागदावरच!
प्रवासी सेवेचा दर्जा उंचावण्यासाठी एसटी महामंडळाने सर्व विभागीय कार्यालये तसेच आगारांना काही उद्दीष्ट ठरवून दिली खरी; परंतु त्यानुसार काम होत नसल्याचे प्रत्ययास येत आहे. या मंगळवारीही एसटीचा नाशिकमध्ये तक्रारदिन होऊ शकला नाही.
↧
वसुली अधिकाऱ्यास अटक
गृहकर्ज फिटल्याचा दाखला देण्यासाठी वीस हजार रुपयांची लाच स्वीकारल्याप्रकरणी महाराष्ट्र स्टेट को ऑपरेटिव्ह हाउसिंग फायनान्स कॉरपोरेशनच्या नाशिक विभागाच्या विशेष वसुली अधिकाऱ्यास लाचलुचपत प्रतिबंधक खात्याच्या पथकाने पकडले.
↧
प्रदूषण: फैसला जानेवारीत
गोदावरी नदीच्या प्रदूषणास जबाबदार असणाऱ्या विविध सरकारी यंत्रणांसह नाशिक महापालिकेच्या कारभाराची दखल घेत जानेवारीच्या पहिल्या आठवड्यात मुंबई हायकोर्ट ठोस आदेश देणार आहे.
↧
↧
नव्या वर्षात नवे कुलसचिव
महाराष्ट्र आरोग्य विज्ञान व‌िद्यापीठाच्या कुलसच‌िवांचा कार्यकाळ संपुष्टात आल्याने विद्यापीठाने आता या पदासाठी नव्या चेहऱ्याचा शोध सुरू केला आहे. विद्यापीठातील पदांच्या रचनेनुसार या त‌िसऱ्या क्रमांकाच्या महत्त्वाच्या पदासोबतच अर्थ आणि वित्त अध‌िकाऱ्यांचाही शोध विद्यापीठाने सुरू केला आहे.
↧
जिल्ह्यातील ७०० वाहने बेपत्ता
नाशिक जिल्ह्यातील ग्रामीण पोलिस ठाण्यांच्या हद्दीतून आठ वर्षांत चोरीस गेलेल्या वाहनांपैकी सुमारे ७०० वाहने शोधण्यात पोलिसांना यश येऊ शकलेले नाही. त्यामुळे पोलिसांच्या लेखी ही वाहने ‘बेपत्ता’ ठरली असून ती शोधण्याचा खटाटोपही बंद केल्यासारखाच आहे.
↧
संख्या कमी, कर्तृत्व अधिक
आमचा पक्ष नवा आहे, मात्र आमचे कार्यकर्ते गावागावात असल्याचे सांगत लोकसभेत आमची संख्या कमी असली तरी आम्ही कर्तृत्वाने व गुणाने अधिक आहोत, असे मत केंद्रीय कृषीमंत्री तथा राष्ट्रवादी काँग्रेसचे अध्यक्ष शरद पवार यांनी मांडले.
↧
भारतासाठी मत मागणार- पवार
'कधीकाळी देशात ईस्ट इंडिया कंपनी होती, मात्र स्वातंत्र्यसैनिकांनी ती देशाबाहेर फेकली. आज पुन्हा कुणी इंडियासाठी मत मागणार असेल तर, त्यांचा विचार देशाला मागे नेणारा आहे. त्यामुळे आम्ही इंडियासाठी नव्हे तर भारतासाठी व भारतीयांसाठी मत मागणार', असे म्हणत केंद्रीय कृषीमंत्री तथा राष्ट्रवादी काँग्रेसचे अध्यक्ष शरद पवार यांनी गुजरातचे मुख्यमंत्री तथा भाजपचे पंतप्रधानपदाचे उमेदवार नरेंद्र मोदी यांच्यावर टीका केली.
↧
↧
चार्ली चॅप्लीनच्या हसऱ्या दु:खाने रसिक भारावले
चार्ली चॅप्लीनच्या आईला गाण्याची आवड होती. परंतु आवाज गेल्याने ती गाऊ शकली नाही. तिची ही खंत चार्ली चॅप्लीनने बालपणीच ओळखली. तो गाणे गाऊ लागला. हसून दु:ख पचविण्याची कला अवगत असलेल्या चार्ली चॅप्लीनने आपल्या अनोख्या कलेद्वारे जगाला हसविले.
↧
शहरात तीन बसेसची तोडफोड
शहरात मंगळवारी दुपारी बारा ते साडेबाराच्या सुमारास तीन बसेसची तोडफोड करण्यात आली. केंद्रीय कृषीमंत्री शरद पवार यांचा नाशिक दौऱ्याला विरोध दर्शविण्यासाठी अज्ञात समाजकंटकांकडून बसेसची तोडफोड करण्यात आल्याची माहिती पोलिसांनी दिली आहे.
↧
एव्हरेस्ट मोहिम म्हणजे क्षमतेचा कस
‘एव्हरेस्ट सर करण्याचा अनुभव आयुष्यातील अनेक महत्त्वाच्या अनुभवांपैकी एक होता. ही मोहिम म्हणजे तुमच्या क्षमतेचा कस असते’, असे मत एव्हरेस्टवीर डॉ. मुराद लाला यांनी व्यक्त केले. इंडियन मेड‌िकल असोसिएशनच्या नाशिक शाखेला दिलेल्या भेटीदरम्यान ते बोलत होते.
↧
More Pages to Explore .....
