Quantcast
Channel: Maharashtra Times
Viewing all 49119 articles
Browse latest View live

यादी विलंबाने उमेदवारांची निराशा

0
0
पोलिस भरती प्रक्रियेतील उमेदवारांच्या गुणांचा तक्ता रविवारी रात्री आठपर्यंत पोलिस प्रशासनाने प्रदर्शित न केल्याने उमेदवारांची घोर निराशा झाली. हा तक्ता सकाळी दहाला प्रदर्शित केला जाणार असल्याचा फलक पोलिस प्रशासनाने लावला होता. रात्री दहापर्यंत तो प्रदर्शित करण्यात आला नाही. सकाळी नऊपासून मुख्यालयाच्या आवारात येऊन थांबलेल्या शहरातील व शहराबाहेरील उमेदवारांना निराश होऊन परतावे लागले.

वाइन पर्यटनासाठी वेबसाइट

0
0
नाशिक जिल्ह्यात वाइन पर्यटनाला चालना देण्यासाठी स्वतंत्र वेबसाइटची निर्मिती करुन त्याद्वारे वाइन पर्यटनाचा प्रसार करण्याचे निश्चित करण्यात आले आहे. वाइन पर्यटन सल्लागार समितीची बैठक मुंबईत नुकतीच झाली. त्यात विविध विषयांवर चर्चा करण्यात आली.

मालगाडीची व्हील ट्रॉली निखळली

0
0
लासलगाव रेल्वे स्थानकात रविवारी पहाटे २ वाजेच्या दरम्यान मालगाडीच्या एक डब्याची व्हील ट्रॉली निखळून पडली. मध्य रेल्वे लाईनवरील अनेक प्रवासी गाड्यांना या घटनेमुळे दीड ते दोन तास ताटकळत उभे राहावे लागले. कोलकात्ता येथे कांदा पाठविण्यासाठी लासलगाव रेल्वेस्थानकातील मालधक्क्यावर रॅक लोड करण्याचे काम सुरू होते. यावेळी निफाड येथून कांदा भरून आलेल्या मालगाडीचे डबे जोडण्याचे काम सुरू होते.

वाहतूक बेटांना मिळणार झळाळी?

0
0
महाराष्ट्र नवनिर्माण सेनेचे अध्यक्ष राज ठाकरे यांच्या दौऱ्यानंतर मनसेने पुन्हा एकदा कामांच्या पाहणीस सुरुवात केली आहे. नगरसेवक आपआपल्या वार्डातील साफसफाईसह इतर कामात गुंतल्याचे चित्र दिसून येत आहे. महापौर अॅड. यतीन वाघ यांनीही ठिकठिकाणी भेटी देण्यास सुरुवात केली आहे. वाघ यांनी रविवारी सकाळी त्र्यंबकरोडवरील वाहतूक बेटांची पाहणी करून संबंधीत प्रायोजकाशी चर्चा केली.

आयुक्त मिळेल का आयुक्त ?

0
0
अधिवेशन संपण्यापूर्वी महापालिकेसाठी कायमस्वरूपी आयुक्त नियुक्त करण्यात येतील, असे मुख्यमंत्र्यांनी दिलेल्या आश्वासनास आता १३ दिवसांपेक्षा जास्त कालावधी उलटला आहे. मात्र, अजूनही कोणत्याच हालचाली झाल्या नसल्याने महापालिकेच्या कामकाजावर विपरीत परिणाम होत आहे. यामुळे नाशिक महापालिकेला आयुक्त मिळेल का आयुक्त ? असे म्हणण्याची वेळे आली आहे.

घरकुलात आता ‘क्षणभर विश्रांती’

0
0
मानसिकदृष्ट्या अपंग असलेल्या तरुण व प्रौढ मुलींचे प्रश्न लक्षात घेऊन त्यांच्यासाठी पिंपळगाव बहुला येथे हक्काचे ‘घरकुल’ उभारणाऱ्या विद्याताई फडके आता ‘क्षणभर विश्रांती’च्या माध्यमातून रिक्रिएशन क्लबची स्थापना करीत आहेत. विशेष प्रौढ मुलींसाठी काम करणारी उत्तर महाराष्ट्रात ही पहिलीच संस्था आता विशेष मुलांच्या पालक आणि समाजात संवाद वाढविण्यासाठी व्यासपीठ उभारत आहे. या उपक्रमांतून सर्वसामान्यांना दगदगीच्या जीवनातून क्षणभर विश्रांती मिळेल तसेच मानसिकदृष्ट्या अपंगांसाठी हा उपक्रम सेतू ठरेल, असा विश्वास विद्याताई फडके यांनी व्यक्त केला आहे.

इंदिरानगर-सिडकोत आज पाणीपुरवठा बंद

0
0
नवीन नाशिक विभागातंर्गत शिवाजीनगर जलशुध्दीकरण केंद्र ते अंबड जलकुंभापर्यंत थेट पाइपलाइन टाकण्याचे काम सुरू आहे. याकामातंर्गत अंबड जलकुंभ येथे ९०० मीलीमीटर व्यासाच्या जल​वाहिनीचे काम हाती घेण्यात येणार असून, त्यामुळे आज, मंगळवारी सिडको परिसरातील अनेक ठिकाणांचा दुपार तसेच संध्याकाळचा पाणीपुरवठा होणार नाही.

हायवेपर्यंत पोचणे होणार सोपे

0
0
शहरातील लिंकरोड, मध्य रिंगरोड आणि बाह्य रिंगरोडची रखडलेली कामे येत्या सिंहस्थाच्या आत पूर्ण झाल्यास शहरातील कोणत्याही भागातून अवघ्या १० ते १५ मिनिटांत हायवेपर्यंत पोहचणे शक्य होणार आहे. याबरोबर शहराच्या मध्यवर्ती भागातील वाहतूक पूर्णतः शहराबाहेरून वळल्याने वाहतूक कोंडीची समस्या काही प्रमाणात सुटण्याची चिन्हे आहेत.

ओझर टर्मिनलसाठी वादाचे उड्डाण !

0
0
काही महिन्यांपूर्वीच सज्ज झालेले ओझर विमानतळाचे देखणे टर्मिनल वादात सापडल्याची चिन्हे आहेत. हे टर्मिनल सांभाळण्यासाठी हिन्दुस्थान एअरोनॉटिक्स लिमिटेड (एचएएल)ने टेंडर काढले आहे. मात्र या टर्मिनलसाठी एअरपोर्ट अॅथॉरिटी ऑफ इंडिया (एएआय) इच्छूक असल्याने महाराष्ट्र एअरपोर्ट डेव्हलपमेंट कंपनी लिमिटेड (एमएडीसी)ने एचएएलवर दबाव आणण्यासाठी टर्मिनलवर खर्च केलेला ८४ कोटींचा पर्यटन निधी परत द्या अशा मागणीचे पत्र ‘एचएएल’ला दिले आहे. यामुळे ओझर टर्मिनलवरून विमानाऐवजी वादाचेच उड्डाण होण्याची शक्यता अधिक आहे.

मंदीचा फटका ७१ कोटींवर

0
0
औद्योगिक क्षेत्रात असलेल्या मंदीमुळे २०१३-१४ या आर्थिक वर्षात महापालिकेच्या उत्पन्नाला ७१ कोटी रूपयांचा फटका बसला. तसेच जकातीच्या तुलनेत एलबीटीचे उत्पन्न देखील १८ टक्क्यांनी कमी झाले असून, २०१४-१५ या आर्थिक वर्षांत मंदीचा फेरा कायम राहिला तर महापालिकेच्या आर्थिक डौलारा कोलमडणार की काय याविषयी चिंता व्यक्त केली जात आहे.

महापालिकेला शाश्वत उत्पन्न हवे

0
0
एलबीटी (लोकल बॉडी टॅक्स) असो की जकात, कर कोणताही लावा. मात्र, यातून महापालिकेला दररोज पैसा उपलब्ध होणे आवश्यक असल्याचे मत महापौर अॅड. यतीन वाघ यांनी महापौर परिषदेमध्ये व्यक्त केले. याबरोबर महसूल गोळा करण्याचा अधिकार महापालिकेचा असून, राज्य सरकारने या अधिकारावर अतिक्रमण करू नये, असा सूर देखील बैठकीत उमटला. बैठकीस २६ पैकी अवघे ९ महापौर हजर होते.

अव्वल कारकुनाला लाच घेताना अटक

0
0
जमीन खरेदीच्या परवानगीची टिपणी तयार करून तिला मंजुरी मिळवून देण्यासाठी तसेच नजराणा भरण्याचे पत्र देण्यासाठी २५ हजारांची लाच स्वीकारणाऱ्या अव्वल कारकुनाला अटक करण्यात आली आहे. नामदेव बाबुराव मोरे असे लाचखोर अव्वल कारकुनाचे नाव आहे.

ट्रॅप रोखण्यासाठी व्हिजिलन्स सेल

0
0
जिल्ह्याच्या महसूल विभागात भ्रष्टाचाराचे निर्मूलन करतानाच पारदर्शक कामकाजाला चालना देण्यासाठी लवकरच स्पेशल व्हिजिलन्स सेल (विशेष दक्षता विभाग) कार्यरत होणार आहे. या सेलसाठी स्वतंत्र हेल्पलाईन नंबर दिला जाणार असून कुठल्याही कामासाठी लाच मागण्यात आली तर संबंधितांना या नंबरवर तक्रार करत येणार आहे.

लष्करी अधिकारी होणार संगणक साक्षर

0
0
लष्करी सेवेतून निवृत्त झालेल्या अधिकाऱ्यांचे पुनर्वसन करुन ताठ मानेने जगता यावे यासाठी आयसेक्ट या शैक्षणिक संस्थेतर्फे संगणक प्रशिक्षण वर्गाचे आयोजन केले आहे. या माध्यमातून लष्करी अधिकारी संगणक साक्षर होणार आहेत. हे प्रशिक्षण नाशिक बरोबरच ओझर, मध्य प्रदेशातील भोपाळ आणि छत्तीसगडमधील रायपूर येथेही सुरू करण्यात आले आहे.

ऑनलाइन प्रवेश प्रक्रियेस खासगी आयटीआयचा विरोध

0
0
ऑनलाइन प्रवेश प्रक्रिया रा‌बवितांना खासगी औद्यागिक प्रशिक्षण केंद्रांना (आयटीआय) राज्य शासनाने विश्वासात घेतले नाही. त्यामुळे खासगी ‘आयटीआय’चे गाऱ्हाणे मांडण्यासाठी राज्याचे उपमुख्यमंत्री व अर्थमंत्री अजित पवार यांना मंगळवारी, २४ जून रोजी मुंबईला भेटणार असल्याचे अशासकीय आयटीआय संघटनेचे अध्यक्ष संजय बोरस्ते यांनी ‘मटा’ला सांगितले.

घर खरेदीत पुण्याला पसंती

0
0
पुणे, पिंपरी-चिंचवड, नाशिक, कल्याण डोंबवली आणि ठाणे शहरांपैकी पुणे शहरात घरांची सर्वाधिक खरेदी-विक्री होत असल्याचे दिसून येते. एलबीटी अर्थात लोकल बॉडी टॅक्समधून मिळणारा एक टक्का सरचार्ज मिळवण्यात पुणे आघाडीवर असून, यानंतर ठाणे, नाशिक आणि कल्याण डोंबवली महापालिकांचा नंबर लागतो.

नासाका सुरू करण्यासाठी खा. गोडसे यांचे प्रयत्न

0
0
नाशिक सहकारी साखर कारखाना मागील गळीत हंगामात बंद पडल्याने शेतकरी व कामगारांचे मोठ्या प्रमाणात नुकसान झाले होते. आगामी गळीत हंगाम सुरू करण्यासाठी खासदार हेमंत गोडसे यांनी जिल्हा बॅँकेच्या प्रशासक मंडळाशी चर्चा केली.

इलेक्ट्रो होमिओपॅथीक डॉक्टरांवरची कारवाई थांबवावी

0
0
राज्यातील इलेक्ट्रो होमिओपॅथीक वैद्यकीय व्यावसायिकांवर होत असलेली कारवाई त्वरित थांबविण्यात यावी, अशी मागणी महाराष्ट्र नवनिर्माण सेनेचे प्रदेश सरचिटणीस आमदार वसंत गिते यांनी केली. महाराष्ट्र विधानसभेच्या पावसाळी अधिवेशनात सार्वजनिक आरोग्य विभागाच्या विविध मागण्यांबाबत ते बोलत होते. फेब्रुवारी २००९ मध्ये सर्वोच्च न्यायालय तसेच डिसेंबर २०१३ मध्ये मुंबई उच्च न्यायालयाने राज्यातील इलेक्ट्रो होमिओपॅथीक वैद्यकीय व्यावसायिकांना आपला व्यवसाय अधिकृतपणे करता येईल तसेच त्यांच्यावर महाराष्ट्र मेडिकल प्रॅक्टीशनर्स अॅक्ट १९६१ च्या कलम ३३ नुसार कारवाई करता येणार नाही, असा निकाल दिलेला आहे.

`वन्य प्राण्यांची दुनिया’ प्रकाशित

0
0
विज्ञान लेखक रमेश महाले यांच्या ‘वन्य प्राण्यांची दुनिया’ या पुस्तकाचे प्रकाशन रविवारी करण्यात आले. वन्य प्राण्यांचे जीवन, त्यांची जीवनशैली, आहार आणि निसर्गाच्या दृष्टीने त्यांचे महत्त्व या पुस्तकात मांडण्यात आले आहे. रमेश महाले यांचे हे १०० वे पुस्तक असून, त्याचे प्रकाशन ज्येष्ठ साहित्यिक चंद्रकांत महामिने यांच्या हस्ते करण्यात. यावेळी प्रमुख पाहुणे म्हणून प्रा. किशोर पवार उपस्थित होते.

पाऊस लांबल्याने पेरण्या खोळंबल्या

0
0
मान्सूनपूर्व सरी वगळता नाशिक जिल्ह्यात अद्यापपर्यंत मान्सूनने आपले अस्तित्व दाखविले नसल्याने बळीराजा हवालदिल झाला आहे. जून संपत आला तरी पाऊस पडत नसल्याने जिल्ह्यात दोन लाख हेक्टरपेक्षा अधिक क्षेत्रावरील पेरण्या खोळंबल्या आहेत. बळीराजाचा नजरा आभाळाकडे लागल्या असून, `ये रे घना, दे रे घना` अशी आर्त साद तो घालत आहे.
Viewing all 49119 articles
Browse latest View live




Latest Images