विनायकदादा पाटील यांचे प्रतिपादन
म. टा. प्रतिनिधी, जुने नाशिक
'मौलाबाबा सोशल अॅण्ड एज्युकेशन फाउंडेशनतर्फे मुस्लिम महिला व मुलींसाठी रोजगाराच्या विविध संधी उपलब्ध करुन देण्यासाठी विविध प्रशिक्षण देण्याचे राबविले जात असलेले उपक्रम गौरवास्पद असून, मुस्लिम महिलांनी या संधीचे सोने करावे व भविष्यातील जीवनमान उंचावण्यासाठी एकतरी कला आत्मासात करावी. कला ही कधीही वाया जात नाही ती कोठे न कोठे उपयोगी पडतेच. मुस्लिम समाजात कला जोपासण्याचे पूर्वीपारचे चलन असून या क्षेत्रात मुस्लिमांनी उल्लेखनिय प्रगती केल्याचे उदाहरणे आहेत.' असे प्रतिपादन वनधापती विनायकदादा पाटील यांनी केले.
मौलाबाबा सोशल अन्ड एज्युकेशन फाऊन्डेशन तर्फे नगरसेवक सुफी जीन व नगरसेविका समिना मेमन यांच्या संयुतिक प्रयत्नातून आज सायंकाळी जुने नाशिक परिसरातील मुस्लिम महिला व मुलींसाठी मोफत कुकिंग क्लास प्रशिक्षण केंद्राचा शुभारंभ झाला या प्रसंगी अध्यक्षपदावरुन विनायकदादा पाटील बोलत होते. प्रमुख पाहुणे म्हणून महापौर अशोक मुर्तडक, उपमहापौर गुरुमित बग्गा, आमदार देवयानी फरांदे, पोलिस आयुक्त कुलवंतकुमार सरंगल, उपायुक्त वरीष्ठ निरीक्षक मधुकर कड, अविनाश बारगळ, अभिनेत्री इंद्रायणी मुखर्जी, कविता कर्डक, गुलजार कोकणी, वत्सला खैरे, सिराज जीन, अॅड शोएब मेमन, शलैश कुटे आदी मान्यवर उपस्थित होते.
मौलाबाबा सोशल अन्ड एज्युकेशन फाऊन्डेशन तर्फे यापुर्वी मुस्लिम महिलां व मुलींसाठी ब्युटी पार्लर, फॅशन डिझायनिंग, इंग्रजी संभाषण कला, मेहंदी डिझाइंग, व्यक्ती विकास आदी विविध प्रशिक्षण सत्राचे वर्ग भरुन गरजुंना विवधि रोजगाराच्या संधी उपलब्ध करुन देण्यात आल्या आहेत शिवाय शंभर गरजू व निराधार महिलांना संजय गांधी निराधार योजनेचा फायदा मिळून दिला आहे.
विविध समाजउपयोगी उपक्रम राबविण्याचा संस्थेचा मानस असल्याचे संस्थापक नगरसेवक सुफी जीन व नगरसेविका समिना मेमन यांनी यावेळी आपले मनोगत व्यक्त करताना सांगितले. अॅड शोएब मेमन यांनी सूत्रसंचालन केले. कार्यक्रमास मुस्लिम महिला मोठ्या संख्येने उपस्थित होत्या.
मोबाइल अॅप डाउनलोड करा आणि राहा अपडेट