सिंहस्थात नाशिककरांनी आपली वाहने रस्त्यावर उतरवू नये. चारचाकी वाहनांचा उपयोग तर कटाक्षाने टाळावा असे आवाहन पोलिसांनी केले आहे. शहरात कुंभमेळा होत असला तरी नाशिककर त्यापासून वंचित राहू नयेत अशीच आमचीही प्रांजळ भावना असली तरी भाविकांना पायपीट करण्याशिवाय गत्यंतर नसल्याचे सांगत पोलिस अधिकाऱ्यांनी हात वर केले आहे. पोलिसांनी शहरांतर्गत मार्ग वाहतुकीसाठी खुले ठेवले खरे मात्र तो देखील मोठा फेरा ठरणार आहे. शहरातून बाहेर जाणे अत्यावश्यकच असेल तर नागरिकांनी पर्वणीपूर्वीच त्याचे नियोजन करावे, असेही पोलिसांनी कळविले आहे.
शहर नाशिककरांचे असले तरी नागरिकांवरच अनेक मर्यादा लादण्यात आल्या आहेत. बाहेरून येणाऱ्या भाविकांना प्रथम प्राधान्य द्यावे. त्यानंतर शहरातील नागरिकांनी स्नानासाठी रामकुंड तसेच अन्य घाटांवर यावे, असे आवाहन पोलिसांकडून करण्यात आले आहे. त्यामुळे एकूणच हा कुंभमेळा नाशिकच्या भूमीत असला तरी नाशिककरांनाच त्यामध्ये दुय्यम स्थान राहणार असल्याचे स्पष्ट होते. पोलिसांनी नो व्हेईकल झोन, नो एंट्री झोनची घोषणा केली असून त्यानुसारच वाहतुकीचे सर्व नियमन होणार आहे.
नाशिककरांच्या खासगी वाहनांसाठीचे मार्ग
फेम सिग्नल मार्गे जाणारे भाविक
फेम सिग्नल, अशोका मार्ग, साईनाथनगर, इंदिरानगर, लेखानगर, राजमाता, गोविंदनगर, उंटवाडी, एबीबी सर्कल, महात्मा नगर, भोसला सैनिका शाळा, भोसला मिलीटरी कॉलेज, जेहान सर्कल, व्ही. एन. नाईक सर्कलपर्यंत भाविक वाहनांनी येऊ शकतील. तेथून भाविक पायी रामकुंडापर्यंत जाऊ शकतील.
आडगावकडून जाणारे भाविक
डॉ. वसंतराव पवार मेडिकल कॉलेज, म्हसरुळ टी पॉईंट, राऊ हॉटेल, मखमलाबाद, कोळीवाडा, महापालिका शाळा, गंगावाडी, वेस्ट विंड विन्डो, आसाराम बापू आश्रम, भोसला मिलीटरी कॉलेज, जेहान सर्कल, व्ही. एन. नाईक सर्कल.
उपनगर नाक्याकडून जाणारे भाविक
उपनगर नाका, लवाटे नगर, जय भवानी चौक, रोकडोबा वाडी, विहितगाव नाका, वडनेरदुमाला, वडनेर गेट, पाथर्डी गाव, पाथर्डी फाटा, सिडको हॉस्पिटल, उपेंद्र, गौरीशंकर लॉन्स, विराट चौक, त्रिमूर्ती चौक, उंटवाडी, एबीबी सर्कल, महात्मा नगर, भोसला स्कूल, भोसला मिलीटरी कॉलेज, जेहान सर्कल, व्ही. एन. नाईक सर्कल. व्ही. एन. नाईक सर्कलपासून पायी शहरातून कोणत्याही मार्गे व्ही. एन. नाईक सर्कलपर्यंत पोहचल्यानंतर वाहनधारकांना रामकुंडापर्यंत पायी जावे लागणार आहे.
असे असतील 'नो एंट्री पॉईंट'
पर्वणी काळात पर्वणीच्या एक दिवस आधीपासून सायंकाळी सहा वाजेपासून पर्वणीच्या दिवशी रात्री १२ पर्यंत शहरातील ४० ठिकाणी 'नो एंट्री पॉईंट' असणार आहेत. ते पुढील प्रमाणे : ज्योती बुक डेपो, अशोकस्तंभाकडे जाणारा रस्ता, बाल गणेश उद्यान जवळील रस्ता, पंडित कॉलनीच्या एक ते पाच लेन, टिळकवाडी चौक, कैलास सलूनची गल्ली, धन्वंतरी हॉस्पिटलकडे जाणारा रोड, अरिहंत फ्रुट्स स्टोअर्स जवळील रोड, जलतरण सिग्नल, गोल्फ क्लब मागील रोड, चांडक सर्कल, एसएसके सॉलिशियर हॉटेल समोरील रोड, गोविंदनगर, मुंबई नाका भाभानगरकडे जाणारा रोड, किनारा हॉटेल, साहिल लॉन्स नासर्डी पूल, अशोक स्कूलकडे जाणारा मार्ग, तुलसी आय हॉस्पिटल, पुणे रोडवरील समाजकल्याण भवनसमोरील संपूर्ण महामार्ग, मिरची ढाबा ते पाटाला मिळणारा रस्ता, नाशिक डावा तटकालवा, राष्ट्रीय महामार्ग ३ वरील दोन्ही बाजू, मीनाताई ठाकरे मैदान, विजयनगरकडे जाणारा छोटा पूल, हिरावाडी पूल, मखमलाबाद पाटाचा रस्ता, कुमावत नगरकडून पेठ फाट्याकडे जाणारा रोड, चंद्रमा मॅटर्निटी हॉस्पिटल, सुदर्शन कॉलनी, मधुबन कॉलनी, खंडेराव मंदिराकडे जाणारा रोड, साईबाबा सुपर मार्केट जवळील रोड, राका लॉन्ससमोर, पंचम स्विट्स, रामवाडीकडे जाणारा रोड.
असे असतील क्रॉस पाईंट
शहरांतर्गत वाहतूक सुरळीत सुरू राहावी यासाठी शहरातील सात मार्गांवर ३४ ठिकाणी क्रॉस ओव्हर पॉईंट दिले आहेत. सिडको, नाशिकरोड, पंचवटी, सातपूर, अंबड, इंदिरानगर परिसरांमधील वाहनधारकांना या मार्गांनी एका परिसरातून दुसऱ्या परिसरात जाता येणार आहे.
धुळे रोड
१) आडगाव चौफुली
२) मेडिकल चौफुली
३) हॉटेल जत्रा चौफुली
पुणे रोड
१) मोह चिंचोली चौफुली
२) शिंदे गाव चौफुली
३) बंगाली बाबा
४) सिंधी कॉलनी चौफुली
५) के. एन. केला स्कूल चौक
६) पाण्याची टाकी जेल रोड चौकी
त्र्यंबकेश्वर रोड
१) समृध्दी टी पॉईंट
२) अंबड लिंक रोड
३) सातपूर गाव
४) सकाळ सर्कल
५) आयटीआय सिग्नल
६) एबीबी सर्कल
मुंबई रोड
१) विल्होळी गाव चौफुली
२) गोळाणे चौफुली
३) गरवारे टी पॉईंट
४) पाथर्डी फाटा
५) राणे नगर
६) लेखानगर
७) वडाळा नगर
दिंडोरी रोड
१) म्हसरूळ भाजी मार्केट चौक
२) रिलायन्स पेट्रोलपंप चौक
पेठरोड
१) राऊ हॉटेल चौफुली
२) मेहरधाम
(गजकर्ण, गणेश मंदिर)
३) आरटीओ चौक
४) कुमावत नगर (पाटाजवळ)
प्रशासकीय मार्ग
१) इंदिरागांधी चौक, नारायणबापू नगर
२) दिवे बंगला, टाकळी गाव
३) समर्थ नगर टी पॉईंट
४) ड्रिम सिटी चौक, जनता विद्यालय
५) फेम सिग्नल
६) उपनगर नाका
मोबाइल अॅप डाउनलोड करा आणि राहा अपडेट