ज्ञानदानाचे कार्य पवित्रपणे करीत शिक्षण मंडळ भगूर यांच्या वतीने उभारण्यात येणाऱ्या शैक्षणिक संकुलातून भारतीय नीतीमूल्य व ज्ञान यांचा संगम जोपासला जाईल, असे प्रतिपादन देवळाली कॅम्प कॅन्टोन्मेंट बोर्डाचे उपाध्यक्ष सचिन ठाकरे यांनी केले.
देवळालीच्या बार्न्स स्कूल रोडवर उभ्या राहत असलेल्या मातोश्री यमुनाबाई करंदीकर या शैक्षणिक संकुलाच्या भूमिपूजन प्रसंगी ते बोलत होते. कार्यक्रमाचे अध्यक्षस्थानी कार्याध्यक्ष एकनाथ शेटे, तानाजी करंजकर, नगरसेवक भगवान कटारिया, भाऊसाहेब धिवरे, भगूर शिक्षण मंडळाचे अध्यक्ष शीतलदास बालानी, कार्यवाहक श. रा. वैद्य, मधुसूदन गायकवाड, रा. मु. आंबेकर आदींसह संस्थेचे व शाळेचे पदाधिकारी, शिक्षक व कर्मचारी वृंद उपस्थित होते. आधुनिक काळात ज्ञान हीच मूलभूत गरज आहे. शिक्षणाची भूक शहरी भागाबरोबरच ग्रामीण भागातही अधिक प्रमाणात आहे. ती गरज भगूर शिक्षण मंडळाने आेळखल्याचे ठाकरे म्हणाले. आंबेकर यांनी प्रास्ताविकातून संस्थेचा इतिहास विषद केला. कार्याध्यक्ष एकनाथ शेते यांनी, ग्रामीण भागातील विद्यार्थ्यांची सोय होण्याच्या दृष्टीने नेहमीच कार्यरत असल्याचे सांगितले. संजय केकाणे यांनी सूत्रसंचालन केले तर जितेंद्र भावसार यांनी आभार मानले.
मोबाइल अॅप डाउनलोड करा आणि राहा अपडेट
महापालिकेची स्थापना सन १९९२ साली झाली. त्यानंतर महापालिकेने सिडको प्रशासनाकडून ९९ वर्षांच्या करारावर पेलिकन पार्कची जागा हस्तांतर घेतली. सन १९९३ साली तीन लाख रुपये महापालिकेने खर्च करून पेलिकन पार्कची जागा ताब्यात घेण्यात आली. यात पुण्यातील एका खाजगी कंपनीला तीन टप्प्यात विकासासाठी पार्कची जागा देण्यात आली. पहिल्या टप्प्यात खाजगी कंपनीने पेलिकन पार्क उद्यान उभारत त्यामध्ये विविध खेळणी बसविली. अत्याधुनिक आणि मुंबई पुण्यामध्ये दिसणारी खेळणी नाशिकमध्ये उपलब्ध करून देण्यात आली. या खेळण्यांमध्ये बसून मौजमजा करण्यासाठी केवळ नाशिकच नव्हे तर अन्य जिल्ह्यांमधूनही नागरिक येत होते. मात्र, सन १९९५ मध्ये पेलिकन पार्कमध्ये एक दुर्घटना घडली आणि त्यानंतर पार्कला घरघरच लागली. ती अद्याप संपू शकलेली नाही. यात एकेकाळी नाशिकची शान असलेले हे उद्यान बघता बघता संपल्यागत झाले आहे. 
आनंद रोड, रेस्ट कॅम्परोड, लामरोड, हौसन रोड सह अशा वाहतुकीच्या रस्त्यांवर ही मोकाट जनावरे ठिय्या मांडून बसतात. नेमके वाहने येण्याच्या वेळीच अचानक उठून उभे राहतात. त्यामुळे या रस्त्यांवर जनावरांना वाहने धडकण्याचे प्रमाण वाढले आहे. देवळालीतील रेंज परिसरात मोठ्या प्रमाणावर चारा उपलब्ध होतो. तो खाण्यासाठी जनावरांची गर्दी वाढत असून त्यांची गर्दी रस्त्यांवर वाढत आहे. अशा जनावरांना प्रशासनाने ताब्यात घेत गुरुद्वारा रोडवर कोंडवाड्यात डांबणे गरजेचे आहे, असे मत नागरिकांनी मांडले आहे. 
