म. टा. प्रतिनिधी, नाशिक
भारतरत्न डॉ. बाबासाहेब आंबेडकर यांच्या महापरिनिर्वाण दिनानिमित्त रविवारी शहरात विविध सामाजिक कार्यक्रमांचे आयोजन करण्यात आले हाोते. विविध संघटना व पक्षांच्या वतीने शालिमार येथील शिवाजी रोडवर असलेल्या डॉ. बाबसाहेब आंबडेकर यांच्या पूर्णाकृती पुतळ्यास पुष्पहार अर्पण करून मानवंदना देण्यात आली. तसेच शहरातील विविध भागात कार्यक्रमांतून मानवंदना देण्यात आली.
'चरित्र समजावून घ्या'
देवळाली कॅम्प : दलितांच्या उद्धारासाठी आयुष्यभर लढा देणारे डॉ. बाबासाहेब यांच्या खऱ्या कार्याची महान आठवण आजच्या पिढीला होणे गरजेचे आहे. त्यासाठी केवळ बौद्ध धर्मियांनीच नव्हे; तर इतर समाजातील युवकांनी देखील त्यांचे चरित्र वाचत समाजातील प्रखर परिस्थितीशी नाळ जोडण्याचा प्रामाणिक प्रयत्न करणे आवश्यक असल्याचे प्रतिपादन छावा युवा संघटनेचे जिल्हाध्यक्ष रशीद सैय्यद यांनी केले. देवळालीत आयोजित ५९ महापरीनिर्वाण दिनाच्या निमित्ताने आयोजित अभिवादन कार्यक्रमात ते बोलत होते. यावेळी जिल्हाध्यक्ष शत्रुघ्न झोंबाड, शहराध्यक्ष जहांगीर शेख अकिल सैय्यद, अक्रम सैयद, लकी जगताप, दीपक काळे आदी उपस्थित होते.
नूतन विद्यामंदिर
देवळाली कॅम्प : भगूर शिक्षण प्रसारक मंडळाच्या नूतन विद्यामंदिर येथेही कार्यवाह श. रा. वैद्य यांच्या अध्यक्षतेखाली झालेल्या कार्यक्रमात रु. शा. करंजकर यांनी विद्यार्थ्यांना डॉ. बाबासाहेब आंबेडकर यांच्या जीवनातील प्रसंग कथन केले. कार्यक्रमास सहकार्यवाह म. वि. गायकवाड, मुख्याध्यापिका ल. चं. जोशी, कै. दा. वाघ आदी प्रमुख अतिथी म्हणून उपस्थित होते. यावेळी विद्यार्थ्यांनी बाबासाहेबांच्या जीवनावर भाषण केले. सूत्रसंचालन वि. क. म्हसाळ यांनी तर आभार ज. तु. घरे यांनी मानले.
एसव्हीकेटी महाविद्यालय
लामरोड भाटीया कॉलेजसमोर युवा फाउंडेशनचे भीमसैनिकांनी महामानवास अभिवादन केले. या वेळी विश्वनाथ काळे, आर. डी. जाधव, सुभाष बोराडे, पंडित साळवे, पद्माकर दोंदे, राजेश पवार, रवी गायकवाड, विजय निकम, मिलिंद दोंदे, चंद्रकांत गोडसे, सोमनाथ खातळे, रवींद्र दोंदे, रामभाऊ सांगळे, सचिन भालेराव आदी उपस्थित होते. अभिवादन कार्यक्रमाचे आयोजन युवा फाउंडेशन चे संस्थापक नितीन साळवे, अनिरुद्ध पगारे तुषार दोंदे, राहुल नेटावटे, संकेत निकम अभिजित जाधव आदींनी केले.
जुन्या नाशिकमध्ये विविध कार्यक्रम
जुने नाशिक : डॉ. बाबासाहेब आंबेडकर यांच्या महापरिनिर्वाण दिनानिमित्ताने जुने नाशिक परिसरात विविध संस्था व संघटनांच्या बाबासाहेबांना आदरांजली वा‌हिली.
पखाल रोडवरील मातोश्री सावित्रीबाई फुले विद्यामंदिरात कार्यक्रमाचे आयोजन करण्यात आले होते. यावेळी विद्या महाजन, सुनील शेवाळे, प्रकाश खैरनार, जयश्री पवार, लक्ष्मण काशिद, मोहन माळी, वैशाली राजभोज, संगीता महाजन, ज्योती महाले, अनिता गायकवाड, प्रशांत गवळी आदी उपस्थित होते. तर हिंदू एकता आंदोलन पक्षातर्फे डॉ. बाबासाहेब आंबेडकर यांना अभिवादन करण्यात आले. यावेळी विजयी दाणी, युवा हिंदु एकता अध्यक्ष करणसिंग बावरी, उदय तायडे, अशोक गांगुर्डे, माधव भोजने, किरणसिंग पवार, अनिल जाधव,
प्रसाद बावरी, दिनेश सकट, राहुल सकट, रोहित लोंढे, दीपक अहिरे आदी उपस्थित होते.
पंचवटीत कार्यक्रम
पंचवटी : पंचवटीतील विविध शाळा व महाविद्यालयात आणि सामाजिक संस्था कार्यालयात भारतरत्न डॉ. बाबासाहेब आंबेडकर यांची पुण्यतिथी तथा महापरिनिर्वाण दिन साजरा करण्यात आला.
अमृतधाम येथी विडीकामगार वसाहतीत डॉ. आंबेडकर चौकात झालेल्या कार्यक्रमात काँग्रेसचे शहराध्यक्ष शरद आहेर, महासचिव राजकुमार जेफ, सुरेश नेटावटे, रत्न सांगळे, मांगुलाल जाधव, संजय चव्हाण, हरीसचंद्र जाधव उपस्थित होते. पंचवटीतील विडीकामगार वसाहतीतील मनपाच्या शाळा क्र.६५ येथे भारतरत्न डॉ. बाबासाहेब आंबेडकर यांची पुण्यतिथी साजरी करण्यात आली. यावेळी जेष्ठ शिक्षिका सुशीला पवार यांच्या हस्ते प्रतिमा पूजन करण्यात आले. यावेळी वासुदेव रणधीर, जयश्री गांगुर्डे, संगीता देवरे, पुष्पा निकम, लक्ष्मीकांत संत आदी उपस्थित होते.
रमाबाई आंबेडकर-मुंबई आग्रा महामार्गावरील रमाबाई आंबेडकर कन्या शाळेत महापरिनिर्वाण दिन साजरा करण्यात आला. शाळा समिती अध्यक्ष डॉ. राम पटाईत अध्यक्षस्थानी होते. यावेळी प्रादेशिक उपायुक्त काशिनाथ गवळे, डॉ. सुनिता खरे, डॉ. संजय जाधव, चंद्रकांत गायकवाड, एकनाथ मोरे आदी उपस्थित होते. मुख्याध्यापिका सरिता जोशी यांनी स्वागत केले. माधुरी जाधव यांनी सूत्रसंचालन केले तर लता शिंदे व संजय शिंदे यांनी आभार मानले.
मेरी हायस्कूल
नाएसोच्या सीडीओ मेरी शाळेत डॉ. बाबासाहेब आंबेडकर यांची पुण्यतिथी साजरी करण्यात आली. प्रभारी मुख्याध्यापिका आशा डावरे यांचे हस्ते प्रतिमा पूजन करण्यात आले. यावेळी पर्यवेक्षक कृष्णा राऊत, मुक्ता सप्रे, मुग्धा काळकर आणि सर्व शिक्षक व कर्मचारी उपस्थित होते.
'एनएसजी'तर्फे अभिवादन
एन. एस. जी. फाऊंडेशनतर्फे डॉ. बाबासाहेब आंबेडकर यांच्या ५९ व्या महापरिनिर्वाण दिनानिमित्त नाशिकरोड येथील बाबासाहेबांच्या पुतळ्यास पुष्पहार अर्पण करून अभिवादन करण्यात आले. यावेळी अप्पा नाईकवाडे, अभिजित राउत, किरण पानकर, किरण जाधव, अनुराग तायडे, भूषण सोनवणे, चेतन बोराडे, अमित मैंद, अतुल कोथमिरे, पावन वाघुडे इत्यादी अनुयायी उपस्थित होते.
राष्ट्रवादीकडून अभिवादन
डॉ. बाबासाहेब आंबेडकर यांच्या महापरिनिर्वाण दिनानिमित्त नाशिक शहर राष्ट्रवादी काँग्रेस पक्षातर्फे शालीमार येथील शिवाजी रोडवर असलेल्या डॉ. बाबासाहेब आंबडेकर यांच्या पूर्णाकृती पुतळ्यास पुष्पहार अर्पण करून मानवंदना देण्यात आली. यावेळी रंजन ठाकरे, रंजना पवार, अनिता भामरे, संजय खैरनार, अंबादास खैरे, भारत जाधव, महेश भामरे, बाळासाहेब पाटील, बाळासाहेब सोनवणे, पंकज राहणे उपस्थित होते.
स्काऊट्स गाईड्स
नाशिक : भारत स्काऊट्स आणि गाईड्स जिल्हा संस्थेतर्फे डॉ. बाबासाहेब आंबेडकर महापरिनिर्वाण दिनानिमित्त डॉ. बाबासाहेब आंबेडकरांच्या प्रतिमेचे पूजन करण्यात आले. डॉ. आंबेडकरांचा जीवनपट येथे उलगडून दाखविण्यात आला. यावेळी जिल्हा चिटणीस राजेंद्र निकम, हेमांगी पाटील, अशोक शिरुडे, गोरख सानप आदी उपस्थित होते.
बाबासाहेबांना अभिवादन
नाशिक : डॉ. बाबासाहेब आंबेडकर यांच्या महापरिनिर्वाण दिनानिमित्त शालिमार येथील त्यांच्या पुतळयास मान्यवरांकडून अभिवादन करण्यात आले. यावेळी उपमहापौर गुरुमितसिंग बग्गा, पश्चिम सभापती माधुरी खैरनार, नगरसवेक संजय साबळे, नगरसेविका सुमन ओहळ, पोलिस निरीक्षक मधुकर कड आदी उपस्थित होते.
भाजपातर्फे अभिवादन
नाशिक : भारतीय जनता पार्टीतर्फे भाजप कार्यालयात डॉ. बाबासाहेब आंबेडकर यांना महापरिनिर्वाण दिनानिमित्त अभिवादन करण्यात आले. यावेळी विचारवंत बी. के. थोरात, सरचिटणीस सुरेश पाटील, सुनील केदार, प्रशांत जाधव, राहुल निरभवणे उपस्थित होते.
मोबाइल अॅप डाउनलोड करा आणि राहा अपडेट
