म. टा. प्रतिनिधी, नाशिक
सध्या बाजारपेठेत हिवाळी फळांची आवक मोठ्या प्रमाणात वाढली आहे. संत्रा, पपई, अॅपल बोर, कडाखा, उमराण जातीची बोरं या फळांची आवक प्रचंड वाढली आहे. यामुळे त्यांचे दरही कमी असूनही ग्राहकांना आकर्षिक करीत आहेत. संत्रा वीस रुपये किलोप्रमाणे मिळत आहे.
नाशिक शहरात संत्र्यांची प्रचंड आवक झाली आहे. यामुळे चौकाचौकात संत्री विकणारे दिसू लागले आहेत. गेल्या महिन्यात चाळीस रुपये किलोप्रमाणे विकली जाणारी संत्री आज पंधरा ते वीस रुपये किलोप्रमाणे मिळत आहे. बंफर आवकमुळे दर घसरल्याचे विक्रेत्याने सांगितले. आणखी काही दिवस ही आवक टिकून राहणार आहे. पपईची आवक टिकून असून दरात पाच रुपयांनी घसरण झाली आहे. पंचवीस रुपये किलोप्रमाणे पपई मिळत आहे. या म‌हिनाभर आवक चांगली राहण्याची शक्यता आहे.
बोरांची आवक वाढली आहे. साधारणतः नोव्हेंबरच्या दुसऱ्या आठवड्यापासून बोरांची आवक सुरू होते. फेब्रुवारी महिन्यापर्यंत बारोंचा हंगाम सुरू राहतो. सध्या हा हंगाम ऐन भरात असल्याने बोरांची आवक वाढली आहे. वीस ते तीस रुपये किलोदराने बोर मिळत आहेत.
सफरचंदाचे भाव जैथे आहेत. ८० ते १२० रुपये किलोदराने सफरचंद मिळत आहेत. किवी फळाचा दरही तीस रुपये टिकून आहे. डाळिंबाची आवकही वाढली असून ५० ते ८० रुपये किलोप्रमाणे मिळत आहेत.
मोबाइल अॅप डाउनलोड करा आणि राहा अपडेट
