Quantcast
Channel: Maharashtra Times
Viewing all articles
Browse latest Browse all 49119

महिलांनी ‘मटा’ संगे अनुभवली दिमाखदार रॅली

$
0
0

म. टा. प्रतिनिधी, नाशिक आत्मविश्वास, सामर्थ्य आणि धडाडी यांचं सार्थ दर्शन घडविणाऱ्या 'महाराष्ट्र टाइम्स'च्या 'ऑल वूमन्स बाइक रॅली'मधून महिलांनी 'हम किसीसे कम नहीं...' हाच संदेश दिला. बुलेट, अॅव्हेंजर, करिझ्मा, एफझी, एंटायसर, या बलदंड गाड्या चालविण्याचा विचार जरी केला तरी अनेकांना धडकी भरते. पण याच गाड्या दिमाखात राईड करत होत्या त्या नाशिकच्या बाइकर्णी. मी, माझी बाइक आणि सोबत माझ्यासारख्या मैत्रिणींचा धम्माल ग्रुप, अशा धुंदीत महिलांनी या रॅलीचा आनंद लुटला.

अठरा वर्षांची तरुणी असो वा पन्नाशीची महिला प्रत्येकीने या रॅलीमध्ये हिरारीने सहभागी होत नारीशक्तीचे दर्शन घडविले. नऊवार साड्या, डोक्यावर केशरी, गुलाबी फेटे असा अस्सल मराठमोळा पेहराव आणि जीन्स, टी शर्ट असा वेस्टर्न ड्रेसकोड परिधान केलेल्या महिलांचा जणू संगमच या रॅलीमध्ये पहायला मिळाला. 'जय शिवाजी.. जय भवानी...', 'नारी शक्तीचा विजय असो...', अशा दमदार घोषणांनी महिलांनी रॅलीचा रस्ता दणाणून सोडला.

मिसेस इंडिया क्वीन ऑफ सबस्टन्स २०१६ स्नेहा शेरगील, बाजीराव मस्तानी चित्रपटाची आर्ट डायरेक्टर सलोनी धात्रक, महापौर अशोक मुर्तडक, उपमहापौर गुरमीतसिंग बग्गा, आमदार देवयानी फरांदे, आमदार सीमा हिरे, मध्यवर्ती हिंदू सैनिकी शिक्षण मंडळाच्या नाशिक विभागाचे सहकार्यवाह अाशुतोष रहाळकर, कलाकार नुपूर सावजी, श्रध्दा देशपांडे यांच्या प्रमुख उपस्थितीत फ्लॅग ऑफने रॅलीला सुरुवात झाली. आमदार देवयानी फरांदे यांनी स्वत: बाइक चालवत महिलांना प्रोत्साहन दिले. महापौर मुर्तडक यांनी वाहतूक नियोजनाची स्वत: पाहणी करुन रॅलीच्या अपडेट्स घेतल्या. 'मटा'चे निवासी संपादक शैलेंद्र तनपुरे तसेच रिस्पॉन्स हेड मंजिरी शेख यांनी बाइक रॅलीचा उद्देश स्पष्ट करत रॅलीचा आनंद लुटण्याचे आवाहन केले.







मोबाइल अॅप डाउनलोड करा आणि राहा अपडेट


Viewing all articles
Browse latest Browse all 49119

Latest Images

Trending Articles



Latest Images

<script src="https://jsc.adskeeper.com/r/s/rssing.com.1596347.js" async> </script>