आठव्या नाशिक आंतरराष्ट्रीय चित्रपट महोत्सवाचे उद्‍घाटन महापौर अशोक मुर्तडक व उपमहापौर गुरुमीत बग्गा यांच्या हस्ते होणार आहे. आज (१७ मार्च) सायंकाळी ६ वाजता गंगापूर रोडवरील विश्वास लॉन्स येथे या उपक्रमाचे उद्‍घाटन होणार आहे. चित्रपट क्षेत्रातील नामवंत कलावंत या सोहळ्यास उपस्थित राहणार आहेत.
या कलावंतांमध्ये गायक अली होस्टन, अभिनेत्री रेणुका शहाणे, निरजा फेम प्रशांत गुप्ता, प्रांजली बिरारी, राजू पार्सेकर, राजू मेश्राम, गजेंद्र अहिरे, राज पार्सेकर आदी उपस्थित राहणार आहेत. रेणुका शहाणे यांच्या 'आठवण' या चित्रपटाचा वर्ल्डप्रिमीयर त्यांच्याच उपस्थितीत होणार आहे. आरती नागपाल यांच्या 'आय फॉर आय सर्व्हाइड' या चित्रपटाने सोहळ्यास सुरुवात होईल. थ्री कलर्स या इरानियन फिल्ममेकर 'मुझेन तारीन' यांच्या चित्रपटाचा प्रिमीयर होणार आहे. चार दिवस चालणाऱ्या या सोहळ्यात नाशिककरांचाही सक्रिय सहभाग असणार आहे. समारोप २० मार्च रोजी दुपारी ४ वाजता या उपक्रमाची कुसुमाग्रज स्मारक येथे होणार आहे.
मोबाइल अॅप डाउनलोड करा आणि राहा अपडेट