गेल्या दोन वर्षाँत मनमाडच्या रेल्वेस्थानकात ऑनलाइन पार्सल सुविधा, प्रवाशांसाठी स्वयंचलित तिकीट मशीन तसेच बालकांसाठी जननी सेवा यासारख्या आधुनिक सुविधा सुरू झाल्या आहेत. यासोबतच नवा पादचारी पूल, ज्येष्ठ नागरिकांसाठी लिफ्ट ही विकासकामे युद्धपातळीवर सुरू असल्याची माहिती रेल्वेस्थानकात नुकत्याच झालेल्या विशेष बैठकीत देण्यात आली.
या विशेष बैठकीला रेल्वेचे वरिष्ठ अधिकारी अजय कुमार, स्थानक प्रबंधक एन. पी. बडगुजर, वाणिज्य निरीक्षक अनिल बागले आदींनी दोन वर्षांच्या कालावधीत मनमाड रेल्वेस्थानकात झालेल्या विविध प्रवासीभिमुख सोयीसुविधांचा आढावा घेतला. रेल्वेस्थानकास अत्याधुनिक करण्याच्या दृष्टीने प्रयत्न सुरू असल्याचेही यावेळी उपस्थितांनी स्पष्ट केले. रेल्वे सल्लागार समितीचे कांतीलाल लुनावत, उमाकांत रॉय, भाजपचे नितीन पांडे आदींनी मनमाड कसारा लोकल सुरू करा, प्रवाशांसाठी आरक्षण रद्द खिडकी सुरू करण्याची मागणी करण्यात आली. यावेळी एम. के. सैनी, रजनीश यादव, एस. पी. कांबळे आदी उपस्थित होते.
मोबाइल अॅप डाउनलोड करा आणि राहा अपडेट