(पेज फोटोशेजारी वापरणे.) सीडबॉल बनविणे कार्यशाळेस प्रतिसाद म. टा. वृत्तसेवा, पंचवटी आडगाव येथे सोमवारी झालेल्या सीडबॉल मेकिंग कार्यशाळेस उत्स्फूर्त प्रतिसाद लाभला. वृक्षारोपण करताना येणाऱ्या अडचणींवर मात करण्यासाठी सीडबॉल ही पद्धत वापरून पर्यावरण संवर्धनाचे काम हाती घेऊन विद्या सहयोग सोशल वेल्फेअर अँड एज्युकेशन सोसायटी संचालित महाराष्ट्र प्लास्टिकमुक्त पर्यावरण संवर्धन जनआंदोलन समिती व श्री साई कॉम्प्युटर टायपिंग इन्स्टिट्यूट आडगावतर्फेआडगाव येथे उमेश शिंदे यांच्या मार्गदर्शनाखाली झालेल्या या कार्यशाळेत सहभागी झालेल्यांकडून सीडबॉल तयार करवून घेतले. त्यांचे रोपण कशा प्रकारे करायचे याची माहिती देण्यात आली. त्यात प्रामुख्याने गडकोट, किल्ले, प्रेक्षणीय स्थळे आदी ठिकाणी जाऊन प्लास्टिकमुक्त अभियान राबविण्यात येणार आहे. औद्योगिक क्रांतीच्या नावाखाली कारखान्यांकडून हवेत काय आणि किती प्रमाणात कोणते वायू सोडले जात आहेत. याचे नियंत्रण असूनही नसल्यासारखे आहे. त्यातूनच आग, स्फोट आणि त्यातून बाहेर पडणारे अतिविषारी वायूचे साम्राज्य वाढले आहे. जंगले नष्ट होऊन जमिनीची धूप होतेय. माती निघून गेली आणि सर्व डोंगर बोडके होत आहेत. पर्यावरणाचा ऱ्हास थांबवून जंगले कशी वाढवता येतील आणि टिकवता येतील, याचा ठोस निर्णय घेऊन अंमलबजावणीसाठी पुढाकार घेतला पाहिजे. पर्यावरणाचा ध्यास घेऊन सीडबॉलची ठिकठिकाणी पेरणी करण्याचे काम या माध्यमातून होणार असल्याचे शिंदे यांनी सांगितले. ००० (स्वतंत्र सिंगल) बेटी बचाव जागृती रॅलीसंदर्भात बैठक म. टा. वृत्तसेवा, पंचवटी नाशिक डिस्ट्रिक्ट मेडिकल असोसिएशनतर्फे शहरातील अनेक सामाजिक संस्थांच्या सहभागातून पंचवटीतून बेटी बचाव जनजागृती रॅली काढण्यात येणार आहे. या रॅलीसंदर्भात सोमवारी गीतांजली सभागृह येथे आढावा बैठक घेण्यात आली. संस्थेचे अध्यक्ष डॉ. श्याम थविल, सरचिटणीस डॉ. चारुदत्त कुलकर्णी यांनी याबाबत माहिती दिली. लिंगभेद चाचणी व स्त्रीभ्रूणहत्या या बेकायदेशीर व मानवी नीतिमूल्यांविरुद्ध असणाऱ्या कृत्यांविरोधात जनजागृती निर्माण व्हावी, हा बेटी बचाव रॅलीचा उद्देश असल्याचे डॉ. थविल यांनी सांगितले. डॉ. चारुदत्त कुलकर्णी म्हणाले, की दि. २५ जून रोजी पंचवटीतून ही रॅली छत्रपती शिवाजी स्टेडियमपर्यंत काढण्यात येईल. रॅलीमुळे वाहतुकीस अडथळा निर्माण होणार नाही, याची काळजी घ्यावी. वृक्षारोपणाचा संदेश सर्वदूर पसरावा म्हणून औपचारिकतेला फाटा देऊन येणाऱ्या पाहुण्यांना भेट म्हणून रोपे वाटप करण्यात येणार आहेत. या बैठकीस सुनील परदेशी, ज्योती लांडगे, सुवर्णा कोठावदे, चिंतामण उगलमुगले, मंगेश घुगे आदी उपस्थित होते. ००० (थोडक्यात) नाशिकरोड बसस्थानकात दोन दिवसांनंतर गजबज जेलरोड : एसटी कर्मचार्‍यांनी मागण्यांसाठी सुरू केलेला संप दोन दिवसांनी मागे घेण्यात आला. त्यामुळे नाशिकरोड बस स्थानकात पुन्हा गजबज वाढली आहे. सध्या सुटी संपत आल्याने एसटीला गर्दी होत आहे. या स्थानकातून पुणे, नगरसह लांबच्या पल्ल्याच्या एसटी बस धावतात, तसेच विहितगाव, शिंदे, पळसे, देवळाली कॅम्प, पंचवटी, सिडको, सातपूर आदी ठिकाणी शहर बस सुटतात. त्यामुळे विद्यार्थी व प्रवाशांची गर्दी असते. स्थानकातून दररोज पाचशे बसफेऱ्या होतात व सुमारे चाळीस हजार प्रवासी प्रवास करतात. मात्र, संपामुळे स्थानक ओस पडले होते. देवळालीत इफ्तार पार्टी (फोटो) जेलरोड : मुस्लिम समाजाच्या पवित्र रमजान महिन्यानिमित्त देवळालीगाव येथे मोहम्मदिया सोशल ग्रुप, गणेश मित्रमंडळ आणि नगरसेवक सूर्यकांत लवटे यांच्यातर्फे इफ्तार पार्टी झाली. यावेळी नगरसेवक रमेश धोंगडे, राजू लवटे, श्याम खोले, मनोहर कोरडे, शिवा ताकाटे, उत्तम कोठुळे, अरुण महानुभव, योगेश शिंदे, विकास गाडेकर, ईस्माइल हाजी, रफिक शेख, एजाज शेख, अश्फाफ शेख, जावेद पटेल, अमजद शेख आदी उपस्थित होते. प्रमुख पाहुण्यांनी मुस्लिम बांधवांना शुभेच्छा दिल्या. महाराणा प्रताप जयंती पंचवटी : महाराणा प्रताप यांच्या जन्मोत्सवानिमित्त शनिवारी (दि. १६) विविध कार्यक्रम होणार आहेत. शहरातील मोरवाडी, त्रिमूर्ती चौक, मुंबई नाका, द्वारका, वडाळा नाका, पिंपळ चौक, फुलेनगर आदी भागात महाराणा प्रताप यांचे प्रतिमापूजन, मिरवणुकीचे आयोजन करण्यात आले आहे. सायंकाळी ५ वाजता बी. डी. भालेकर मैदान येथून शोभायात्रा काढण्यात येणार आहे. समाजातील सर्व नागरिकांनी उपस्थित राहाण्याचे आवाहन उत्सव समितीच्या वतीने करण्यात आले आहे. मातांचा सत्कार (फोटो) जेलरोड : बिटको रुग्णालयात कन्यारत्न झालेल्या मातांचा नाशिकरोड येथील शिखर स्वामिनी बहुद्देशीय महिला संस्थेतर्फे सत्कार करण्यात आला. संस्थेच्या अध्यक्षा नगरसेविका संगीता गायकवाड, आरती आहिरे, कांचन चव्हाण, मनीषा गायकवाड आदींच्या हस्ते या मातांचा पेढे व गुलाब पुष्प देऊन गौरव करण्यात आला. बेटी बचाव अभियानातंर्गत हा उपक्रम राबविण्यात आला. यावेळी बिटकोचे वैद्यकीय अधिकारी, कर्मचारी उपस्थित होते. २५ जूनला नाशिक डिस्ट्रिक्ट मेडिकल असोसिएशनच्या सहकार्याने बेटी बचाओ जनजागृती रॅली काढण्यात येणार असल्याची माहिती गायकवाड यांनी दिली. साने गुरुजींना अभिवादन (फोटो) जेलरोड : साने गुरुजी यांना पुण्यतिथीनिमित्त अभिवादन करण्यात आले. महाराष्ट्र नवनिर्माण विद्यार्थी सेनेतर्फे नाशिकरोड येथील साने गुरुजी प्रसारक मंडळाच्या के. जे. मेहता हायस्कूलमध्ये आदरांजली वाहण्यात आली. यावेळी संस्थेचे सचिव प्रवीण जोशी, मनविसेचे प्रदेश सदस्य उमेश भोई, जिल्हा सरचिटणीस शशिकांत चौधरी, नाशिकरोड अध्यक्ष नितीन धानापुणे, उपाध्यक्ष सागर दाणी, भाऊसाहेब ठाकरे, स्वप्निल विभांडिक, मयूर कटारे, गुड्डू शेख आदी उपस्थित होते.
मोबाइल अॅप डाउनलोड करा आणि राहा अपडेट
