म. टा. प्रतिनिधी, नाशिक टीम ई थ्रीतर्फे नाशिकमध्ये पहिल्यांदाच ड्यूऑथलॉन स्पर्धा आयोजीत करण्यात आली. त्यात मोठ्या प्रमाणात पुणे, औरंगाबाद, मुंबई आणि नाशिकमधील स्पर्धकांनी सहभाग नोंदविला. ड्यूऑथलॉन म्हणजे सायकलिंग आणि धावण्याची स्पर्धा. कोल्हापूर नंतर महाराष्ट्रात नाशिक मध्ये पहिल्यांदाच अशा प्रकारची स्पर्धा रविवारी २१ ऑक्टोबरला तपोवनात घेण्यात आली. यात ३ कि.मी. धावणे व त्यानंतर २२ कि. मी. सायकलिंग आणि नंतर २ कि. मी. धावण्याचा समावेश होता. या स्पर्धेत सहभागी झालेल्या चार वयोगटातील ३२ विजेत्यांना बक्षिसे देण्यात आली. तसेच राईडमध्ये सहभागी झालेल्या सर्व सायकलिस्टना पदक आणि प्रमाणपत्र देण्यात आले. या स्पर्धेत १४ ते २०, २० ते ३५, ३५ ते ५० आणि ५० पेक्षा जास्त असे वयोगट करण्यात आले होते. प्रत्येक वयोगटातील एक पुरुष व एक महिला असे ३२ विजेत्यांना बक्षिसे देण्यात आली. प्रथम येणाऱ्यास २ हजार रोख, द्वितीय १ हजार रोख, तृतीय बक्षीस चांदीचे नाणे, चौथे बक्षीस सायकल सर्व्हिसिंग कूपन देण्यात आले. ३ कि. मी. धावण्यासाठी वॉटरवेज, तपोवन ते साधुग्राम गेट व परत वॉटरवेज असा मार्ग होता. २२ कि.मी. सायकलिंगसाठी वॉटरवेज, तपोवन ते जनार्दन स्वामी मठ, माडसांगवी, शीलापूर ते परत त्याचमार्गे वॉटरवेज असा मार्ग होता. २ कि.मी. धावण्यासाठी वॉटरवेज ते श्री गणेश डिव्हाईन व परत वॉटरवेज, तपोवन असा मार्ग होता. रवींद्र नाईक जिल्हा क्रीडा अधिकारी, राजेंद्र निंबाळते अध्यक्ष महाराष्ट्र ट्रायथलॉन असोसिएशन, पोलिस इन्सपेक्टर मधुकर कड, नाशिक सायकलिस्ट फाउंडेशनचे अध्यक्ष प्रवीण खाबिया, डॉ. महेंद्र महाजन यांच्या हस्ते पारितोषिक वितरण समारंभ पार पडला. वयोगट १४ ते २० पुरुष अनुज उगले, किशोर शिरसाठ, निसर्ग भामरे, साई शेटे वयोगट १४ ते २० महिला अनुजा उगले, रेश्मा सातपुते, साक्षी तेजाले वयोगट २० ते ३५ पुरुष अमोल बागुल, हिमांशू थुसे, दर्शन दुबे, नीलेश थोळे वयोगट २० ते ३५ महिला देविका पाटील, गारबी केडीया, मानसी तेजाले वयोगट ३५ ते ५० पुरुष दत्तात्रय चकोर, दिनकर पाटील, राहिमान खान, नंदू उगले वयोगट ३५ ते ५० महिला अश्विनी देवरे, जसविंदर सांधू, सपना नेरे वयोगट ५० पुढील पुरुष माणिक निकम, पुंडलिक महाले, प्रदीप खराडे, उत्तम पवार वयोगट ५० पुढील महिला सुचित्रा पालवे, शैलजा जैन.
मोबाइल अॅप डाउनलोड करा आणि राहा अपडेट
