म. टा. खास प्रतिनिधी, नाशिक
बेमोसमी पाऊस व गारपिटीमुळे शेतमालाचे कोट्यवधी रुपयांचे नुकसान झाले आहे. त्याची दिरंगाई न लावता युद्धपातळीवर सरसकट पंचनामे करून शेतकऱ्यांना तातडीने नुकसान भरपाई द्यावी व कांद्याला हमी भाव जाहीर करावा, या मागणीसाठी राष्ट्रवादी काँग्रसेतर्फे जिल्हाभरात निदर्शने करण्यात आली.
जिल्हाध्यक्ष अॅड. पगार यांच्या नेतृत्वाखाली जिल्ह्यात तालुकावार निर्दशने करून तहसीलदारांना मागण्यांचे निवेदन देण्यात आले. मागण्या मान्य न झाल्यास रस्त्यावर उतरून तीव्र आंदोलन करण्यात येईल, असा इशारा जिल्हाध्यक्ष अॅड. रवींद्र पगार यांनी दिला.
इगतपुरी तहसीलदार कार्यालयासमोर झालेल्या आंदोलनाप्रसंगी अॅड. रवींद्र पगार म्हणाले की, केंद्रीय अर्थसंकल्पाने शेतकऱ्यांच्या तोंडाला पाने पुसल्याने राज्यकर्त्यांच्या सुल्तानी कारभाराने हतबल असलेला शेतकरी अस्मानी संकटाने देखील वेढला गेला आहे. अवकाळी पावसामुळे रब्बीची कांदा, गहू, हरबरा व भाजीपाला ही पिकेही उद्ध्वस्त झाली आहेत. पंचनामे करण्यात दिरंगाई होऊ नये व सरसकट सर्व नुकसानीचे पंचनामे करावेत म्हणजे शेतकऱ्याला मदतीचा हात मिळेल. अन्यथा शेतकऱ्याचे भवितव्य अंधकारमय होईल, असेही पगार यांनी नमूद केले.
यावेळी प्रदेश सरचिटणीस अर्जुन टिळे, तालुकाध्यक्ष गोरख बोडके, शहराध्यक्ष प्रल्हाद जाधव, महिला अध्यक्ष आशा थोरात, जिल्हा पदाधिकारी फिरोज पठाण, विलास सानप, नामदेव वाघचौरे, ज्ञानेश्वर फोकणे यांच्यासह कार्यकर्ते व पदाधिकारी सहभागी झाले होते.
दिंडोरीत आमदार नरहरी झिरवाळ, तालुकाध्यक्ष भास्कर भगरे, उपनगराध्यक्ष सचिन देशमुख, राजेंद्र उफाडे, गंगाधर निखाडे, शंकरराव काठे, आदी आंदोलनात सहभागी झाले होते. नाशिकमध्ये जिल्हा परिषद अध्यक्षा विजयश्री चुंभळे, विष्णूपंत म्हैसधुणे, तानाजी गायधनी, सोमनाथ खातळे, सचिन पिंगळे, नितीन मोहीते, प्रेरणा बलकवडे, दीपक वाघ, सोमनाथ बोराडे, रत्नाकर गायकवाड, अलका साळुंखे, मंदाताई निकम, रामदास पिंगळे, कचरू तांबेरे आदी उपस्थित होते.
बागलाणमध्ये माजी आमदार संजय चव्हाण, जिल्हा पदाधिकारी धर्मराज खैरनार, फईम शेख, नगरसेवक काका रौंदळ, भारत खैरनार आदींच्या नेतृत्वाखाली निदर्शने करण्यात आली. देवळ्यात जिल्हा परिषदेच्या सभापती उषा बच्छाव, सदस्या डॉ. भारती पवार, जिल्हा पदाधिकारी जगदीश पवार, योगेश आहेर, चिंतामण आहेर यांच्यासह कार्यकर्ते मोठ्या संख्येने सहभागी झाले होते. कळवण जिल्हा परिषदेचे गटनेते रवींद्र देवरे, विधानसभा अध्यक्ष राजेंद्र पवार, तालुकाध्यक्ष राजेंद्र भामरे, जिल्हा पदाधिकारी नारायण हिरे, पंचायत समितीचे सदस्य हिरामण पगार, कौतिक पगार, रामा पाटील यांनी निदर्शन केली.
येवल्यात जिल्हा परिषदेचे माजी अध्यक्ष राधाकिसन सोनवणे, मायावती पगारे, तालुकाध्यक्ष साहेबराव मढवई, ज्ञानेश्वर शेवाळे, नीलेश पटेल यांच्यासह कार्यकर्ते मोठया संख्येने आंदोलनात सहभागी झाले होते. नांदगावात तालुकाध्यक्ष संतोष गुप्ता, मनमाडचे शहराध्यक्ष राजेंद्र पगारे, जिल्हा पदाधिकारी साईनाथ गिडगे, विष्णू निकम, नाना शिंदे, महेंद्र शिरसाठ, किसन गायधनी आदींनी निदर्शन केली.
चांदवडमध्ये प्रदेश उपाध्यक्षा डॉ. भारती पवार, तालुकाध्यक्ष सयाजी गायकवाड, उत्तम आहेर, विजय जाधव, अभिमन्यू ठाकरे, महेश देशमाने, आदी आंदोलनात सहभागी झाले होते. पेठ व सुरगाण्यात ही आंदोलन करण्यात आले. मालेगावात तालुकाध्यक्ष गुलाब चव्हाण, अरुण देवरे, धर्मा भामरे, बाळा बागूल यांच्यासह कार्यकर्ते मोठ्या संख्येने सहभागी झाले होते. सिन्नरमध्ये तालुकाध्यक्ष राजाराम मुरकुटे, शहराध्यक्ष रवींद्र काकड, डॉ. विष्णू अत्रे, कल्पना रेवगडे यांच्यासह कार्यकर्ते मोठ्या संख्येने आंदोलनात सहभागी झाले होते. त्र्यंबकेश्वरमध्ये तालुकाध्यक्ष पुरुषोत्तम कडलग, शहराध्यक्ष मनोज कान्नव, गोकुळ बत्तासे, स्वप्नील बागडे, कैलास वाटाणे आदीने आंदोलनात सहभागी झाले होते.
मोबाइल अॅप डाउनलोड करा आणि राहा अपडेट
