देशातील उत्तर प्रदेश, हरियाणा, चंदीगड, दिल्ली, गुजरात तसेच मध्य व उत्तर महाराष्ट्रात १७ ते २१ मे कालावधीत उष्णतेच्या लहरी पसरण्याची शक्यता असून, या लाटेपासून जनतेने सावध राहून काळजी घ्यावी, असे आवाहन नंदुरबारचे जिल्हाधिकारी डॉ. मल्लिनाथ कलशेट्टी यांनी केले आहे.
देशातील काही राज्ये, तसेच महाराष्ट्रात १६ मे पर्यंत उष्णतची लाट वाढण्याची शक्यता आहे. ही लाट मध्य आणि उत्तर महाराष्ट्रातही पसरण्याची शक्यता असल्याचे अनुमान राष्ट्रीय आपत्ती नियंत्रण प्राधिकरणाद्वारे कळविण्यात आले आहे. जिल्हा माहिती कार्यालयाच्या सूत्रांशी बोलताना नंदुरबारचे जिल्हाधिकारी डॉ. कलशेट्टी म्हणाले की, देशातील राजस्थान, मध्य प्रदेश, महाराष्ट्रातील विदर्भ आणि तेलंगणा या भागात उष्णतेच्या लहरी १६ मे पर्यंत वाढण्याची शक्यता आहे. ही लाट १७ मे ते २१ मे, २०१६ या कालावधीत देशातील उत्तर प्रदेश, हरियाणा, चंदीगड, दिल्ली, गुजरात आणि मध्य व उत्तर महाराष्ट्रात पसरण्याची शक्यता वर्तवण्यात आली आहे. जनतेने या उष्णतेच्या लाटेपासून सावध राहण्याचा इशारा राष्ट्रीय आपत्ती नियंत्रण प्राधिकरणाद्वारे देण्यात आला आहे.
नागरिक व जनतेने वाढत्या उष्णतेच्या लाटेपासून स्वत:ची काळजी घ्यावी व आरोग्य राखण्याच्या दृष्टीने योग्य त्या उपाययोजना कराव्यात.
- डॉ. मल्लिनाथ कलशेट्टी,
जिल्हाधिकारी, नंदुरबार
मोबाइल अॅप डाउनलोड करा आणि राहा अपडेट
