अखिल भारतीय मराठी नाट्य परिषद, नाशिक शाखा आणि सुविचार हॉस्पिटल यांच्यातर्फे आयोजित बालनाट्य स्पर्धेत कलाभ्रमंती संस्था प्रस्तुत ‘ट्रॅजेडी’ या एकांकिकेने प्रथम क्रमांक पटकावला. ‘लेटस बिगिन’ या एकांकिकेने द्वितीय तर ‘आभासी जग’ या एकांकिकेने तृतीय क्रमांक पटकावला.
उत्कृष्ट दिग्दर्शनाबरोबरच नेपथ्य प्रकारात धोबी पछाड प्रथम, लेटस बिगिन द्वितीय, मला मोठ व्हायचंय या एकांकिकेने तृतीय क्रमांक पटकावला. उत्कृष्ट प्रकाशयोजना विनोद राठोड प्रथम, कार्तिकेय पाटील द्वितीय तर चेतन ढिकले तृतीय क्रमांक उत्कृष्ट वेशभूषेचा आभासी जग तर उत्कृष्ट रंगभूषा ताटी उघडा या एकांकिकांना मान्यवरांच्या हस्ते सन्मानचिन्ह व प्रमाणपत्र देऊन सन्मानित करण्यात आले. सार्वजनिक वाचनालयाचे प्रमुख सचिव श्रीकांत बेणी आणि बालअभिनेत्री सई मोराणकर यांच्या हस्ते स्पर्धेचे उद्घाटन करण्यात आले. परशुराम सायखेडकर नाट्यगृहात दिवसभर ही स्पर्धा चालली. यामध्ये १० नाटकांचे सादरीकरण करण्यात आले.
सामाजिक आशयाच्या कथानकांचा समावेश असलेली ही नाटके विद्यार्थ्यांनी अतिशय खुबीने सादर केली. मला मोठं व्हायचंय (मेनली ऍमॅच्युअर्स), गोट्या (दीपक मंडळ सांस्कृतिक विभाग), धोबीपछाड (नाशिक शिक्षण प्रसारक मंडळ, सिन्नर संकुल), वाट चुकलेली माणसं (डी. डी. बिटको बॉईज हायस्कूल आणि कनिष्ठ महाविद्यालय), ड्रायव्हर (ओम साई सच्चिदानंद संस्था), लेटस् बिगीन (कृपा शैक्षणिक, सामाजिक बहुउद्देशीय संस्था), आभासी जग (प्रबोधिनी ट्रस्ट), ग्रीन व्हेल (नूतन मराठी शाळा, इगतपुरी), ट्रॅजेडी (कलाभ्रमंती संस्था), घरटं (सृजन प्रतिष्ठान) या नाटकांचे सादरीकरण करण्यात आले. यावेळी मानसी देशमुख, रवींद्र ढवळे आणि श्यामसुंदर दळवी यांनी परीक्षक म्हणून काम पाहिले.
मोबाइल अॅप डाउनलोड करा आणि राहा अपडेट