नवोदितांमध्ये नायर, टोके, ठाकूरला म्हसकर ट्रॉफी
म. टा. प्रतिनिधी, नाशिक
नाशिकमध्ये रविवारी झालेल्या एमआरएफ टू व्हीलर रॅलीचे विजेतेपद बेंगलुरूच्या के. पी. अरविंद याने पटकावले. फेडरेशन ऑफ मोटर स्पोर्टस क्लब्स ऑफ इंडियाच्या मान्यतेने आणि नाशिक येथील पीट स्टॉप मोटर स्पोर्टस क्लबतर्फे झालेल्या या संपूर्ण स्पर्धेवर बेंगलुरूच्या रायडर्सने वर्चस्व राखले. स्कूटर गटात नाशिकच्या शमीम खानने, तर टू स्ट्रोक बाइक गटात आदित्य ठक्करने प्रथम क्रमांक मिळविला.
स्पर्धेत नवोदितांमध्ये पुष्कर नायर, धवल टोके, कमलेश ठाकूर विविध गटांत अंजली म्हसकर ट्रॉफीचे मानकरी ठरले. रॅलीला हॉटेल एक्स्प्रेस इनचे महाव्यवस्थापक ब्लान्की डेरील यांच्या हस्ते सुरुवात झाली. या वेळी शहर वाहतूक शाखेचे निरीक्षक राजेंद्रकुमार परदेशी, आयोजक प्रदीप म्हसकर, एमआरएफ कंपनीचे मुरली, मधुसूदन, के. प्रशांत, श्रीकांत करानी, रवी श्यामदासानी, प्रणीत पेरुमल, राष्ट्रीय विजेता श्याम कोठारी आदी उपस्थित होते.
स्पर्धेसाठी एकूण ६० किलोमीटरचे अंतर होते. हॉटेल एक्स्प्रेस इनपासून रॅलीला सुरुवात झाली. घोटी- वैतारणा रोडवरील धनोली- वाळविहीर या १५ किलामीटरच्या चार फेऱ्या होत्या. रॅलीचा थरार पाहण्यासाठी नाशिककरांनी रस्त्याच्या दुतर्फा गर्दी केली होती.
स्पर्धेचा निकाल
विजेते : १) के. पी. अरविंद, मंगळूर, २) व्ही. एस. नरेश, बेंगलुरू, ३) अब्दुल वाहीद, बेंगलुरू
इम्पोर्टेड बाइक : १) के. पी. अरविंद, मंगळूर, २) धवल टोके, पुणे ३) आशिष रैराणे, पुणे
१३० सीसीपेक्षा अधिक : रोहित गौडा, बेंगलुरू
१३० ते १६५ सीसी बाइक : १) सोहेल अहमद, बेंगलुरू, २) के. सचिन, बेंगलुरू, ३) निशित झवेरी, नाशिक
१६६ ते २६० सीसी : १) व्ही. एस. नरेश, बेंगलुरू, २) अब्दुल वाहिद, बेंगलुरू, ३) युवा कुमार, बेंगलुरू
२६० ते ५०० सीसी : १) यशराज राठोड, इंदूर, २) विश्वास एस. डी. बेंगलुरू
स्कूटर : १) शमीम खान, नाशिक, २) हितेन ठक्कर, नाशिक, ३) सय्यद आसीफ्र अली, भोपाळ
स्टार ऑफ नाशिक (टू स्ट्रोक बाइक) : १) आदित्य ठक्कर, नाशिक, २) परविंदर सिंग, ३) अमित सूर्यवंशी
गटनिहाय अंजली म्हसकर ट्रॉफ्री (नवोदितांसाठी) :
स्कूटर : पुष्कर नायर
इम्पोर्टेड बाइक : धवल टोके
मोटारसायकल : कमलेश ठाकूर
मोबाइल अॅप डाउनलोड करा आणि राहा अपडेट
