दहावी परीक्षेतील शहरातील अनेक शाळांनी शतकी कामगिरींची परंपरा कायम राखली. तसेच अनेक गुणवंत विद्यार्थ्यांनी गणितासारख्या किचकट वाटणाऱ्या विषयांमध्ये १०० पैकी १०० गुण मिळविण्याची किमयाही केली.
ए. पी. पटेल विद्यालय
पंचवटी एज्युकेशन सोसायटी संचलित ए. पी. पटेल विद्यालयाने १०० टक्के निकालाची परंपरा कायम राखली आहे. शाळेतील १०१ पैकी ६१ विद्यार्थी डिस्टिंक्शन तर ४० विद्यार्थी फर्स्ट क्लासमध्ये पास झाले आहेत. सिद्धी पटेल ही (९६.८०) शाळेत पहिली आली आहे. भूमिका व्यास (९५.४०) दुसरी तर हृतिक रस्तोगी (९३.८०) तिसरा आला. सिद्धी पटेल, हृतिक रस्तोगी, साक्षी विसपुते व गिरीष सुरंजे यांनी गणितात १०० पैकी १०० गुण मिळवले आहे. संस्थेचे अध्यक्ष नरेंद्र ठक्कर, उपाध्यक्ष प्रकाश पटेल, सेक्रेटरी दिग्विजय कपाडिया, मुख्याध्यापक सीमा नेहे यांच्या हस्ते विद्यार्थ्यांना गौरविण्यात आले.
सेंट लॉरेन्स हायस्कूल
सेंट लॉरेन्स या शाळेचा १०० टक्के निकाल लागला. शाळेतील १७७ पैकी १३० विद्यार्थ्यांना डिस्टिंक्शन तर ४६ विद्यार्थ्यांना फर्स्ट क्लास मिळाला. १०० विद्यार्थ्यांनी ८० टक्क्यांपेक्षा जास्त गुण मिळविले आहेत. अंकिता कदम ही (९६.६०) शाळेत पहिली आली. मानसी चिंचोळे (९६.२०) दुसरी तर श्वेता मनखुंबारे (९६) तिसरी आली. गणितात अंकिता कदम, आकांक्षा वाजे, सेजल येवले, दिप्ती कशिद, रोहित अहिरराव, प्रकाश देवासी, अरिबा अन्सारी यांनी १०० पैकी १०० गुण मिळाले आहेत. आदित्य शेर याला ** विषयात १०० पैकी १०० गुण मिळाले.
विद्या प्रबोधिनी
मध्यवर्ती हिंदू सैनिकी शिक्षण मंडळ संचलित विद्या प्रबोधिनी शाळेचा निकाल ९९.०६ टक्के निकाल लागला. शाषलतील २१३ पैकी २११ विद्यार्थी पास झाले. यातील ४७ विद्यार्थी डिस्टिंक्शन, ६८ विद्यार्थी फर्स्ट, ६१ विद्यार्थी सेकण्ड व २२ विद्यार्थ्यांना पास श्रेणी मिळाली आहे.
नॅशनल उर्दू हायस्कूल
जुने नाशिक : नॅशनल उर्दू हायस्कूलचा ९१.६४ टक्के निकाल लागला. शाळेतील ३३५ पैकी ५४ विद्यार्थ्यांना डिस्टिंक्शन,१२३ विद्यार्थी फस्ट, ११० विद्यार्थी सेकंड तर २० विद्यार्थी पास श्रेणीत उत्तीर्ण झाले. मुख्याध्यापक हाजी सादीक शेख यांनी यशस्वी विद्यार्थ्यांचे अभिनंदन केले. नॅशनल उर्दू हायस्कुल फार गर्ल्स मध्ये बागवान अतिरा मुश्ताक (९१), शेख झवेरिया रशीद, शेख सानिया जाकीर (८८.२०) आणि खान शाहिन महेबुबउल्ला (८८) यांनी अनुक्रमे पहिला, दुसरा व तिसरा क्रमांक मिळविला.
उर्दू हायस्कूल
महापालिका उर्दू हायस्कूल वडाळागाव शाळेचा ९७.६७ टक्के निकाल लागला. तर महापालिका उर्दू हायस्कूल बडी दरगाह शरीफचा ९३.१० टक्के निकाल लागला. शेख नाझिया नादीर (८८.८०), मिलाऊन फरहिन खान (८०) चमकले.
श्रीराम विद्यालय
पंचवटी : श्रीराम विद्यालयाचा ९९.३८ निकाल लागला. प्राजक्ता बोडके (९३) ही शाळेत प्रथम आली तर मीनल पोटे (९२.६०) दुसरी व मनीषा पुजारी (९२.४०) तिसऱ्या क्रमांकाने उत्तीर्ण झाली. यशस्वी विद्यार्थ्यांचे के. के. मुखेडकर, बी. के. मुखेडकर आणि मुख्याध्यापिका लता फोकाणे यांनी अभिनंदन केले.
सेंट फ्रान्सिस स्कूल
नाशिक : राणेनगरमधील सेंट फ्रान्सिस हायस्कूलचा निकाल शंभर टक्के लागला. परीक्षेस बसलेले सर्व १६० विद्यार्थी पास झाले. यात अमेय भालेरावने (९६ टक्के) प्रथम, अशोक दैवे (९४.८० टक्के) द्वितीय तर क्षेया सिंग (९४ टक्के) हिने तृतीय क्रमांक मिळविला. चेअरमन डॉ. ए. एफ. पिंटो, संचालिका ग्रेस पिंटो, मुख्याध्यापक संजय पाटील, पर्यवेक्षिका मंजू पाटील यांनी यशस्वी विद्यार्थ्यांचा गौरव केला.
जनता विद्यालय
शाळेचा निकाल ९५.४१ टक्के लागला. शुभांगी खैरे (९७.४० टक्के) हिने पहिला, दामिनी आहेर हिने (९५ टक्के) दुसरा तर साक्षी अरुण चव्हाण (९४ टक्के) हिने तिसरा क्रमांक मिळविला.
एन्झोकेम विद्यालय
सेनापती तात्या टोपे शिक्षण प्रसारक मंडळ संचालित एन्झोकेम विद्यालयाचा सेमी इंग्रजी शाळेचा १०० टक्के निकाल लागला. मयुरी धनवटे (९४ टक्के) हिने पहिला, पियूष दाणेज (९२ टक्के) याने दुसरा तर आकांक्षा धनवटे (८९.६० टक्के) हिने तिसरा क्रमांक मिळवला.
मुक्तानंद विद्यालय
येवल्यातील स्वामी मुक्तानंद विद्यालयातील इंग्रजी माध्यमाचा प्रणव बाकळे याने (९५.२० टक्के) तर मराठी माध्यमाची रेणुका संत (९४.४० टक्के) पहिला क्रमांक मिळविला.
विवेकानंद विद्यालय
एरंडगाव येथील स्वामी विवेकानंद विद्यालयाचा सेमी इंग्रजी व मराठी माध्यमाचा निकाल १०० टक्के लागला. सोनाली गोराडे (९४ टक्के) हिने पहिला, शीतल कदम (८९.४० टक्के) दुसरा तर कोमल पेंढारी (८८ टक्के) तिसरा क्रमांक मिळवला.
सुरेगाव रस्ता विद्यालय
समता प्रतिष्ठान संचलित, समता माध्यमिक विद्यालय, सुरेगाव रस्ता या शाळेचा १०० टक्के निकाल लागला. शेख असिफ दगडू (८६.८० टक्के) याने पहिला, बिपीन ढमाले (८५ टक्के) याने दुसरा तर वैभव आसने (८१ टक्के) याने तिसरा क्रमांक मिळविला.
रहाडी विद्यालय
रहाडी विद्यालयाचा १०० टक्के निकाल लागला. हर्षदा रोकडे (८७.६० टक्के) प्रथम, मोनिका गायकवाड (८६.२० टक्के) दुसरा, शुभम काकड (८५.२० टक्के) तिसरा क्रमांक मिळविला.
मोबाइल अॅप डाउनलोड करा आणि राहा अपडेट
