म. टा. प्रतिनिधी नाशिक
गोदाकाठावरील एकमुखी दत्त मंदिरात जयंतीनिमित्त विविध कार्यक्रमांचे आयोजन करण्यात आले आहे. या महोत्सवाला सुरुवात झाली असून, २४ डिसेंबर रोजी दत्त जन्माचा मुख्य सोहळा पार पडणार आहे.
दत्त जयंतीनिमित्त विविध धार्मिक कार्यक्रमांचे व अखंड नाम सप्ताहाचे आयोजन करण्यात आले आहे. या सप्ताहाला १८ डिसेंबरपासून सुरुवात झाली असून, २ जानेवारीपर्यंत कार्यक्रम होणार आहेत. या कालावधीत रोज दुपारी १ ते ४ या कालावधीत गुरुचरित्र पारायण, सायंकाळी ५ ते ७ दत्त भक्त भजनी मंडळाचे भजन, सायंकाळी ७ ते ८.३० पर्यत ह.भ.प. सुनीलबुवा कुलकर्णी यांचे कीर्तन व प्रवचन होणार आहे. २२ तारखेला श्रीराम महीला मंडळाच्या भजनाचा कार्यक्रम होणार असून, २४ तारखेला सायंकाळी ६.१५ वा. दत्त जन्मसोहळा होणार आहे. २७ डिसेंबर रोजी पहाटे ६ वाजता रुद्राभिषेक व महापूजा आयोजित केली असून, सकाळी ९ ते १२ या वेळेत चतुर्वेद, शांतीपाठ प्रायश्चित विधी, गणपती पूजन, पुण्याहवाचन, मातृकापूजन, पंचांग विधी, मंडप प्रवेश होणार आहे. याच दिवशी द्वितीय सत्रात श्री वास्तू मंडल स्थापना श्री योगिनी मंडल स्थापना, श्री क्षेत्रपाल मंडल स्थापना, श्री प्रधान मंडल, व सदगुरू मंडल स्थापना, देवताभिषेक सायंपूजन महाआरती व प्रसाद वाटप करण्यात येणार आहे. २८ डिसेंबर रोजी पहाटे ६ वाजता श्रींचा रुद्राभिषेक व महापूजा होणार असून, सकाळी ९ ते १२ या वेळेत चतुर्वेद शांतीपाठ स्थापित देवता पूजन व अभिषेक, अग्निस्थापन, नवग्रह हवन, प्रधान हवन होणार आहे. दुपारी ३ ते ६ या वेळेत प्रधान हवन व मंगलारती होणार आहे.
२९ डिसेंबर रोजी पहाटे ६ वाजता रुद्राभिषेक महापूजा सकाळी ९ ते १२ या वेळेत चतुर्वेद शांतीपाठ स्थापित देवता पूजन व अभिषेक, अग्नी स्थापन, स्थापित देवता उत्तरांग हवन, प्रधान हवन, देवता हवन, उत्तरांग हवन, महाबली पूजन, द्वितीय सत्रात महाबली पूजन यज्ञाची पूर्णाहुती होणार असून, १ जानेवारीला महाप्रसादाचे वाटप होणार आहे. २ जानेवारीला सत्यदेव महापूजा होणार आहे. कार्यक्रमाला जास्तीत जास्त नागरिकांनी उपस्थित रहावे, असे अवाहन मंदिराचे मुख्य पुजारी मयुर बर्वे यांनी केले आहे.
औदुंबर भक्त मंडळ व चिदानंद परिवार यांच्यावतीने देखील दत्त जयंती उत्सव साजरा करण्यात येणार आहे. यावेळी सामूहिक गुरुचरित्र पारायणाचे आयोजन करण्यात आले आहे. हे सर्व कार्यक्रम २२ डिसेंबर ते २६ डिसेंबर या कालावधीत साखलाज मॉल कालिकामंदिराजवळ होणार आहे. २२ ते २४ दरम्यान सकाळी ४ ते ८ याकालावधीत गुरुचरित्र पारायण होणार आहे. २४ तारखेला दुपारी ३ वाजता दत्तचरण पादुकांची मिरवणूक काढण्यात येणार असून, ६ वाजता देवता आवाहन, ६.३० वाजता दत्त जन्म, ७.३० वाजता महाआरती, सायं. ८.३० वा. अविराज तायडे यांचा अभंगवाणी हईल. २५ तारखेला दुपारी ३ ते ५ यावेळेत सत्यदत्त पूजा व सायंकाळी ८ ते १० यावेळेत अजित कडकडे यांचे गायन होईल. २६ तारखेला सकाळी ७ ते सायंकाळी ६ यावेळेत दत्तयाग होणार आहे. सायंकाळी ८ ते १० पुष्कराज भागवत यांचा भक्तीसंगीत कार्यक्रम होणार आहे.
मोबाइल अॅप डाउनलोड करा आणि राहा अपडेट
