तब्बल सहा सिग्नल
उपनगर येथे यापूर्वीही सिग्नल व्यवस्था उभारण्यात आली होती. मात्र, या चौकाला जयभवानी रोडचा रस्ताही येऊन मिळतो. त्यातच चौकात दोन्ही बाजूला बसस्टॉप आहेत. त्यामुळे सिग्नल व्यवस्था फेल झाली होती.
परिणामी निष्पापांचे बळी गेले होते. आता सहा सिग्नल उभारण्यात आले असून ते लवकरच कार्यान्वित केले जाणार आहेत. मात्र, वाहनचालक किती व कसे सहकार्य करतात यावर सिग्नलचे यश अवलंबून आहे.
000000 सर, एन्काऊंटर का ऑर्डर कौन देता है? म. टा. प्रतिनिधी, सातपूर 'सर, आपके एन्काऊंटर का ऑर्डर कौन देता है? असा निरागस प्रश्न चौथीच्या विद्यार्थ्यांनी थेट पोलिसांनाच विचारला आणि पोलिसांसह उपस्थित शाळेचे शिक्षकही अवाक् झाले. निमित्त होते 'रेझिंग डे'चे. गंगापूर पोलिस स्टेशनमध्ये घडलेल्या या संवादामुळे नव्या पिढीवर प्रसार माध्यमांचा होणारा भडिमार आणि त्यांच्या मनामध्ये पोलिस प्रशासनाबद्दल निर्माण झालेले आकर्षण दर्शविणारे आहे. शहरातील सर्व शाळा, कॉलेजेसमध्ये 'रेझिंग डे'निमित्त विद्यार्थ्यांना पोलिसांकडून सुरक्षेबाबत माहिती दिली जात आहे. यात काही विद्यार्थ्यांना माहिती देण्यासाठी पोलिस ठाण्यात आणले जात आहेत. गंगापूररोडवरील एका इंग्रजी माध्यमाच्या शाळेतील विद्यार्थी गंगापूर पोलिस ठाण्यात आले होते. यावेळी पोलिसांनी माहिती दिल्यावर विद्यार्थ्यांना काही शंका असल्यास प्रश्न विचारण्यास सांगण्यात आले. यावर एका विद्यार्थ्यांने 'सर आपको एन्काऊंटर का ऑर्डर कौन देता है?' असा प्रश्न करीत सर्वांनाच आर्श्चयात टाकले. यावर पोलिस निरिक्षक रमेश यादव यांनी असे कोणीही ऑर्डर देत नसल्याचे सांगत विद्यार्थ्यांचे समाधान होईल असे स्पष्टीकरण दिले. कारवाई करीत असतांना गुन्हेगारांकडून गोळीबार झाला तर पोलिस आपल्या बचाव करण्यासाठी प्रत्युत्तर देतात. यात काही वेळा फायरिंग देखील केले जाते. तसेच चित्रपटात दाखविले जाणारे प्रसंग काल्पनिक असतात. त्यावर विश्वास ठेवू नका, असेही यादव यांनी विद्यार्थ्यांना सांगितले.
सुरक्षेसंदर्भात मार्गदर्शन याप्रसंगी पोलिसांनी पोलिस ठाण्यात कशा प्रकारे कामकाज चालते. स्वतःची सुरक्षा कशी घ्यावी, शस्त्रांची हातळणी कशी करतात याबाबत विद्यार्थ्यांना माहिती देण्यात आली. ऐरवी चित्रपटात किंवा सिरियलमध्ये दिसणाऱ्या बंदुका, रायफल खऱ्या समोर बघायला मिळाल्यावर विद्यार्थी हरखून गेले.
मोबाइल अॅप डाउनलोड करा आणि राहा अपडेट